కోర్టులో జమాదార్గా పనిచేసే అతగాడు కక్కుర్తి పడ్డాడు. కోర్టుకు వచ్చిపోయే లాయర్ల నుంచి టిప్స్ వసూలు చేసేందుకు నడుం బిగించాడు. ఇందుకోసం ఏకంగా నడుముకు పేటీఎం క్యూఆర్ కోడ్ బ్యాడ్జీని కట్టుకున్నాడు. ఈ వ్యవహారంపై అలహాబాద్ కోర్టు ఉన్నతాధికారులకు పలువురు ఫిర్యాదు చేశారు. దీంతో అతడిని సస్పెండ్ చేస్తూ న్యాయమూర్తులు ఆదేశాలు జారీచేశారు. అతడిపై చర్యలు తీసుకోవాలని సంబంధిత విభాగం అధికారులకు నిర్దేశించారు. ఆ జమాదార్ ను కోర్టులోని నజారత్ సెక్షన్ కు అటాచ్ చేశారు.