దేశంలో వరుసగా ఐదు రోజులుగా మూడు లక్షలకు పైగా వస్తున్న కరోనా కేసులు ఒక్కసారిగా తగ్గాయి. గడిచిన 24 గంటల్లో కొత్తగా 2,55,874 కరోనా కేసులు నమోదయ్యాయని కేంద్ర ఆరోగ్య శాఖ వెల్లడించింది. ఈ సంఖ్య నిన్న వచ్చిన 3.06 లక్షల కేసులతో పోలిస్తే 16.39 శాతం తక్కువ. అంటే గడిచిన 24 గంటల్లో 50,190 కేసులు తగ్గాయి. నిన్నటి వరకు 20 శాతం పైగా ఉన్న డైలీ పాజిటివిటీ రేటు కూడా భారీగా దిగొచ్చింది. నిన్న 20.7 శాతంగా ఉన్న డైలీ పాజిటివిటీ రేటు.. తాజాగా 15.5 శాతానికి తగ్గింది. వీక్లీ పాజిటివిటీ రేటు మాత్రం 17.17 శాతంగా ఉంది. అయితే ఈ ఒక్క రోజులో 614 మంది కరోనా కారణంగా మరణించినట్లు కేంద్ర ఆరోగ్య శాఖ తెలిపింది. కొత్తగా 2,67,753 మంది కరోనా నుంచి పూర్తిగా కోలుకున్నారని, ప్రస్తుతం యాక్టివ్ కేసుల లోడ్ 22,36,842గా ఉందని పేర్కొంది. మొత్తంగా రికవరీ రేటు 93.15 శాతానికి పెరిగిందని వివరించింది.
India reports less than 3 lakh COVID cases- 2,55,874 new cases (50,190 less than yesterday), 614 deaths and 2,67,753 recoveries in the last 24 hours
— ANI (@ANI) January 25, 2022
Active case: 22,36,842
Daily positivity rate: 15.52% pic.twitter.com/IW8LijHuru
