- సీపీఐ స్టేట్ సెక్రటరీ కూనంనేని సాంబశివరావు
భద్రాద్రికొత్తగూడెం, వెలుగు: గ్రామపంచాయతీ ఎన్నికల్లో కలిసి వచ్చే పార్టీలతో పొత్తులు పెట్టుకోవడంపై చర్చలు సాగుతున్నాయని సీపీఐ స్టేట్ సెక్రటరీ, కొత్తగూడెం ఎమ్మెల్యే కూనంనేని సాంబశివరావు తెలిపారు. కొత్తగూడెంలోని శేషగిరి భవన్లో శనివారం జరిగిన సమావేశంలో ఆయన మాట్లాడారు. పంచాయతీ ఎన్నికల్లో కలిసి వచ్చే పార్టీలతో పొత్తులు, సర్దుబాట్లపై చర్చలు సాగుతున్నాయని తెలిపారు.
మెజార్టీ స్థానాలను కైవసం చేసుకునేందుకు ప్రతి నేత, కార్యకర్త సమిష్టిగా కృషి చేయాలన్నారు. ఇంటింటి ప్రచారానికి ప్రాధాన్యత ఇవ్వాలన్నారు. నియోజకవర్గంలో చేస్తున్న అభివృద్ధిని ప్రజలకు వివరించాలని సూచించారు. బలం ఉన్న ప్రతి చోట పోటీ చేసేందుకు సిద్ధంగా ఉండాలన్నారు. సీపీఐ జిల్లా కార్యదర్శి ఎస్కే షాబీర్ పాషా, దుర్గరాశి వెంకటేశ్వర్లు, చంద్రగిరి శ్రీనివాసరావు, సలిగంటి శ్రీనివాస్ పాల్గొన్నారు.
