ఖమ్మం కార్పొరేషన్, వెలుగు : ఖమ్మం కార్పొరేషన్ పరిధిలోని సమస్యలు పరిష్కరించాలని డిమాండ్ చేస్తూ సీపీఐ నగర సమితి ఆధ్వర్యంలో బుధవారం కార్పొరేషన్ కార్యాలయాన్ని ముట్టడించారు. అంతకుముందు ప్రదర్శన నిర్వహించారు. కార్పొరేషన్ లోపలకు వెళ్లేందుకు -ప్రయత్నించిన కార్యకర్తలను పోలీసులు అడ్డుకున్నారు. దీంతో వారు కార్యాలయం ముందు -బైఠాయించారు. ఈ సందర్భంగా సీపీఐ జిల్లా సహాయ కార్యదర్శి దండి సురేశ్ మాట్లాడుతూ సంక్షేమ పథకాల -అమలులో రాజకీయ వివక్ష తగదన్నారు.
సంపద పెంచి పేదలకు పంచుతామని చెబుతున్న ప్రభుత్వం ముందుగా సంక్షేమ పథకాలను పేదలందరికీ వర్తింపజేయాలని డిమాండ్ చేశారు. పట్టణంలోని అర్హులందరికీ ఇందిరమ్మ ఇండ్లు కేటాయించాలన్నారు. విలీన గ్రామ పంచాయతీల సమస్యలను పరిష్కారించాలని పలు మార్లు వినతిపత్రాలు సమర్పించినా ఫలితం లేకపోవడంతో మున్సిపల్ కార్యాలయాన్ని ముట్టడించినట్లు తెలిపారు. ఈ కార్యక్రమంలో సీపీఐ నగర కార్యదర్శి ఎస్కే జానిమియా, జిల్లా కార్యవర్గ సభ్యులు పాల్గొన్నారు.
