హిందీలో ‘డాన్స్ దీవానే’ రియాలిటీ షో సక్సెస్ కావడంతో సరికొత్త డాన్స్ షో ప్లాన్ చేస్తోంది కలర్స్ టీవీ. ఈ కొత్త షో పేరు ‘డాన్స్ దీవానే జూనియర్’ షో. నాలుగేండ్ల నుంచి పద్నాలుగేండ్ల లోపు పిల్లలు ఇందులో పార్టిసిపేట్ చేయొచ్చు. సోలో, గ్రూప్, డ్యుయెల్ డాన్స్ పర్ఫార్మెన్స్ ఇవ్వొచ్చు. ఈ షోని బాలీవుడ్ యాక్టర్ నీతూ సింగ్, నీనా గుప్తా, డాన్సర్ నోరా ఫతేహి, కొరియోగ్రాఫర్ మర్జీ పెస్తోంజీ జడ్జ్లుగా చేయనున్నారు. ఈ షోకి సంబంధించిన ఫస్ట్ ప్రోమో వచ్చింది. అందులో స్కూల్ టీచర్గా ఉన్న నోరా ఫతేహి క్లాస్ రూమ్ సెటప్ చూసి చిరాకు పడుతుంది. గంట మోగగానే పిల్లలు, నోరా కూడా డాన్స్ మూడ్లోకి వెళ్తారు. వెంటనే క్లాస్ రూమ్ కాస్త డాన్స్ స్టేజ్ అవుతుంది. డాన్స్ ఫ్లోర్ మీద ‘టిప్ టిప్ బర్సా పానీ’ పాటకు ఒక చిన్న పాప, నోరా ఇద్దరూ పోటాపోటీగా డాన్స్ చేస్తారు. ‘దీవాన్గీ మోర్. డాన్స్ హార్డ్కోర్’ ట్యాగ్లైన్తో ప్రోమో ముగుస్తుంది. త్వరలోనే ఈ షో కలర్స్, వూట్లో టెలికాస్ట్ అవనుంది.
