హీరోయిన్ పూర్ణ ప్రధాన పాత్ర పోషించిన ఎమోషనల్ థ్రిల్లర్ ‘డార్క్ నైట్’. జీఆర్ ఆదిత్య దర్శకత్వంలో సురేష్ రెడ్డి కొవ్వూరి నిర్మించారు. త్రిగుణ్, విధార్థ్, సుభాశ్రీ రాయగురు ఇతర కీలక పాత్రలు పోషించిన ఈ చిత్రాన్ని మార్చి 13న విడుదల చేయనున్నట్టు తెలియజేశారు మేకర్స్.
ఈ సందర్భంగా నిర్మాత సురేష్ రెడ్డి మాట్లాడుతూ ‘ఈ కథ నాలుగు పాత్రల జీవితాల చుట్టూ తిరుగుతుంది. వారి మధ్య ఉన్న సంక్లిష్ట భావోద్వేగాలు, రహస్యాలు, సంఘర్షణలు, కథను ఉత్కంఠభరితంగా మలుస్తాయి. ఈ చిత్రంలో అతీంద్రియ అంశాలతో కూడిన ఒక ఊహించని ట్విస్ట్ ఉంటుంది. మిస్కిన్ అందించిన బ్యాక్గ్రౌండ్ స్కోరు ఆడియెన్స్కు కొత్త ఎక్స్పీరియెన్స్ను అందిస్తుంది’ అని చెప్పారు.
