టాలీవుడ్ లో ప్రస్తుతం రీ రిలీజ్ ట్రెండ్ జోరుగా సాగుతోంది. ఒకప్పుడు బాక్సాఫీస్ వద్ద సందడి చేసిన క్లాసిక్ సినిమాలు, ఇప్పుడు 4K వర్షన్లో మళ్ళీ థియేటర్లలోకి వచ్చి కాసుల వర్షం కురిపిస్తున్నాయి. లేటెస్ట్ గా ఈ జాబితాలో చేరి తన సత్తా చాటుకుంది రెబల్ స్టార్ ప్రభాస్ నటించిన రొమాంటిక్ ఎంటర్టైనర్ 'డార్లింగ్'. సరిగ్గా 16 ఏళ్ల క్రితం తర్వాత 23 ఏప్రిల్ 2026న రీరిలీజ్ చేశారు మేకర్స్. తొలి రోజు నుంచే ఈ చిత్రం బిగ్ స్క్రీన్పై మళ్ళీ మేజిక్ చేస్తోంది..
రికార్డుల వేటలో 'డార్లింగ్'
రీ-రిలీజ్ అయిన మొదటి రోజే ఈ సినిమా బాక్సాఫీస్ వద్ద ప్రభంజనం సృష్టించింది. కేవలం ఒక్క రోజులోనే ప్రపంచవ్యాప్తంగా రూ. 7.59 కోట్ల గ్రాస్ వసూలు చేసి అందరినీ ఆశ్చర్యపరిచింది. ఇప్పటివరకు జరిగిన తెలుగు రీ-రిలీజ్లలో రూ. 19.65 కోట్లతో 'బాహుబలి: ది బిగినింగ్' మొదటి స్థానంలో ఉండగా, ఇప్పుడు 'డార్లింగ్' రెండవ స్థానాన్ని కైవసం చేసుకుంది. ఈ క్రమంలో పవన్ కళ్యాణ్ 'గబ్బర్ సింగ్', మహేశ్ బాబు 'ఖలేజా' వంటి భారీ చిత్రాల రీ-రిలీజ్ వసూళ్లను కూడా ప్రభాస్ దాటేశాడు. ప్రపంచవ్యాప్తంగా ఈ సినిమాకు సంబంధించి ఏకంగా 2 లక్షలకు పైగా టిక్కెట్లు అమ్ముడవ్వడం రెబల్ స్టార్ రేంజ్ను మరోసారి నిరూపించింది.
మళ్ళీ ఆ జ్ఞాపకాలు..
ప్రభాస్ 'బాహుబలి' కంటే ముందు చేసిన సినిమాల్లో 'డార్లింగ్' కి ప్రత్యేక స్థానం ఉంది. యాక్షన్ హీరోగా స్థిరపడుతున్న సమయంలో.. ఎ. కరుణాకరన్ దర్శకత్వంలో ప్రభాస్ చేసిన ఈ ప్యూర్ లవ్ స్టోరీ యువతను, ఫ్యామిలీ ఆడియన్స్ను విపరీతంగా ఆకట్టుకుంది. ప్రభాస్ హెయిర్ స్టైల్, డ్రెస్సింగ్, ఆ స్టైలిష్ బాడీ లాంగ్వేజ్ అప్పట్లో ఒక సెన్సేషన్. కాజల్ అగర్వాల్తో ఆయన కెమిస్ట్రీ ఈ సినిమాకు ప్రధాన బలంగా నిలిచింది..
►ALSO READ | Michael Movie review: మైఖేల్ మూవీ రివ్యూ: 'కింగ్ ఆఫ్ పాప్' గా జాఫర్ జాక్సన్ విశ్వరూపం.. సినిమా ఎలా ఉందంటే?
ఎమోషనల్ టచ్ తో..
శ్రీ వెంకటేశ్వర సినీ చిత్ర బ్యానర్పై బి.వి.ఎస్.ఎన్. ప్రసాద్ నిర్మించిన ఈ చిత్రానికి జి.వి. ప్రకాష్ కుమార్ అందించిన సంగీతం ఇప్పటికీ ఎవర్గ్రీన్. ఈ సినిమా పాటలు థియేటర్లలో ఫ్యాన్స్తో స్టెప్పులేయించాయి. ఇక ప్రభు, తులసి, ముకేష్ రిషి, ధర్మవరపు సుబ్రహ్మణ్యం వంటి సీనియర్ నటుల నటన సినిమాకు ఒక ఎమోషనల్ టచ్ ఇచ్చింది.
