మూడు లీటర్ల పెట్రోల్ ఫ్రీ.. యజమానిపై డీలర్లు సీరియస్

V6 Velugu Posted on Jun 19, 2021

తిరువనంతపురం: దేశంలో చమురు ధరలు భగ్గుమంటున్నాయి. పెట్రోల్, డీజిల్ ధరలు ఆకాశాన్నంటుతున్నాయి. లీటర్ పెట్రోల్ ధర సెంచరీ దాటింది. దీంతో వాహనదారులకు చుక్కలు కనిపిస్తున్నాయి. ఈ తరుణంలో ఆటోడ్రైవర్లకు ఓ ఫ్యుయల్ బంక్ బంపర్ ఆఫర్ ఇచ్చింది. కేరళలోని ఓ పెట్రోల్ స్టేషన్ ఆటోడ్రైవర్లకు మూడు లీటర్ల పెట్రోల్‌ను ఉచితంగా ఇస్తామని ప్రకటించింది. కర్నాటక, కేరళ బార్డర్‌లోని ఎన్మజాకే గ్రామ పంచాయతీలోని పెర్లాలోని పెట్రోల్ బంక్ యజమాని అబ్దుల్లా మ‌ధుమోల్  దాదాపు 311 మంది ఆటోవాలాలకు సాయం చేసేందుకు ముందుకొచ్చారు. 

ఒక్కొక్కరికి 3 లీటర్ల చొప్పున పెట్రోల్, డీజిల్‌‌ను ఉచితంగా అందించానని అబ్దుల్లా ట్విట్టర్ ద్వారా తెలిపారు. ఈ ఆఫర్‌ను ఆ ఊరిలోని ఆటోవాలాలే గాక దూర ప్రాంతాలకు చెందిన వారు కూడా వినియోగించుకున్నారని చెప్పారు. రెండ్రోజుల పాటు లక్ష విలువైన ఇంధనాన్ని అందించానని.. అయితే ఈ ఫ్రీ ఆఫర్‌ను నిలిపివేయాలని ఇతర డీలర్లు తనపై ఒత్తిడి తెచ్చారని పేర్కొన్నారు. లాక్‌డౌన్ వేళ ఇబ్బందుల్లో ఉన్న ఆటో డడ్రైవర్లను ఆదుకోవాలనే ఉద్దేశం త‌ప్ప బిజినెస్ ప్రమోషన్‌ కోసంకాదని స్పష్టం  చేశారు.

 

Tagged diesel, kerala, Amid Lockdown, corona crisis, Thiruvananthapuram, Petrol Free, Fuel Station, Abdulla Madumole, Auto Rikshaws

Latest Videos

Subscribe Now

More News