- ఎస్కే మల్లు ఏజెన్సీకి టెండర్ను అప్పగించిన బల్దియా
- రెండ్రోజుల పాటు కొనసాగనున్న పనులు
హైదరాబాద్, వెలుగు: సికింద్రాబాద్పరిధి నల్లగుట్టలో అగ్ని ప్రమాదం జరిగిన డెక్కన్ స్పోర్ట్స్ మాల్ బిల్డింగ్ను కూల్చేందుకు జీహెచ్ఎంసీ రెడీ అయింది. గురువారం నుంచి కూల్చివేత పనులు ప్రారంభించనుంది. ఉదయం పూట రిపబ్లిక్ డే వేడుకల్లో బిజీగా ఉండనున్న అధికారులు మధ్యాహ్నం తర్వాత పనులు స్టార్ట్చేయనున్నారు. రెండు రోజుల పాటు కూల్చివేత కొనసాగుతుందని అధికారులు తెలిపారు.
ఈ పనులకు రూ.33 లక్షల 86 వేల 268తో బుధవారం టెండర్లు ఆహ్వానించగా 8 ఏజెన్సీలు పాల్గొన్నాయి. ఎస్కే మల్లు అనే ఏజెన్సీ 20 లక్షల93వేల 390 రూపాయలకు కోట్ చేసి టెండర్ను దక్కించుకుంది. కూల్చివేత టైంలో చుట్టుపక్కల ఇండ్లు డ్యామేజ్ కాకుండా చర్యలు తీసుకుంటున్నామని బల్దియా అధికారులు స్పష్టం చేశారు. రెండు రోజుల పాటు చుట్టుపక్కల రోడ్లను క్లోజ్చేయనున్నారు. కాగా ఇంతవరకు బిల్డింగ్లో మిగతా ఇద్దరి ఆచూకీ దొరకలేదు.
