- రాణించిన స్టబ్స్, రాహుల్, మిల్లర్
- సాల్ట్, భువనేశ్వర్ శ్రమ వృథా
బెంగళూరు: ఐపీఎల్–19లో జోరుమీదున్న రాయల్ చాలెంజర్స్ బెంగళూరుకు ఢిల్లీ క్యాపిటల్స్ చెక్ పెట్టింది. ఛేజింగ్లో ట్రిస్టాన్ స్టబ్స్ (47 బాల్స్లో 4 ఫోర్లు, 1 సిక్స్తో 60 నాటౌట్), కేఎల్ రాహుల్ (34 బాల్స్లో 6 ఫోర్లు, 2 సిక్స్లతో 57) నిలకడకు తోడు చివర్లో డేవిడ్ మిల్లర్ (10 బాల్స్లో 1 ఫోర్, 2 సిక్సర్లతో 22 నాటౌట్) మెరుపు బ్యాటింగ్ చేయడంతో.. శనివారం జరిగిన లీగ్ మ్యాచ్లో ఢిల్లీ 6 వికెట్ల తేడాతో బెంగళూరుపై గెలిచింది.
టాస్ ఓడిన బెంగళూరు 20 ఓవర్లలో 175/8 స్కోరు చేసింది. ఓపెనర్ ఫిల్ సాల్ట్ (38 బాల్స్లో 4 ఫోర్లు, 3 సిక్స్లతో 63) మినహా మిగతా బ్యాటర్లు పెద్దగా రాణించలేదు. స్టార్టింగ్ నుంచి లైన్ అండ్ లెంగ్త్తో బౌలింగ్ చేసిన ఢిల్లీ బౌలర్లు వరుస విరామాల్లో వికెట్లు తీసి ఆర్సీబీని ఒత్తిడిలోకి నెట్టారు. విరాట్ కోహ్లీ (19)తో తొలి వికెట్కు 52, దేవదత్ పడిక్కల్ (18)తో రెండో వికెట్కు 47 రన్స్ జోడించి సాల్ట్ మంచి ఆరంభాన్నిచ్చాడు. కానీ మిడిలార్డర్ వైఫల్యంతో ఆర్సీబీ రన్స్ వేటలో వెనకబడింది.
కెప్టెన్ రజత్ పటీదార్ (8) నిరాశపర్చగా, టిమ్ డేవిడ్ (26), జితేష్ శర్మ (14) నిలబడే ప్రయత్నం చేసినా సక్సెస్ కాలేదు. రొమారియో షెఫర్డ్ (1), క్రునాల్ పాండ్యా (12), రాసిక్ సలామ్ (0 నాటౌట్), భువనేశ్వర్ (3 నాటౌట్) బ్యాట్లు ఝుళిపించకపోవడంతో ఆర్సీబీ తక్కువ స్కోరుకే పరిమితమైంది. ఎంగిడి, కుల్దీప్, అక్షర్ తలా రెండు వికెట్లు తీశారు.
ఛేజింగ్లో బెంగళూరు 19.5 ఓవర్లలో 179/4 స్కోరు చేసి గెలిచింది. ఆరంభంలో భువనేశ్వర్ స్వింగ్ (3/26)తో ఢిల్లీ టాప్ ఆర్డర్ను వణికించాడు. ఇన్నింగ్స్ నాలుగో బాల్కే పాథుమ్ నిశాంక (1)ను ఔట్ చేసిన భువీ మూడో ఓవర్లో నాలుగు బాల్స్ తేడాలో కరుణ్ నాయర్ (5), సమీర్ రిజ్వీ (2)ను పెవిలియన్కు పంపాడు. దాంతో 18/3తో కష్టాల్లో పడిన ఢిల్లీని స్టబ్స్ ఆదుకున్నాడు. క్రీజులో పాతుకుపోయిన రాహుల్ కూడా క్రమంగా బ్యాట్ ఝుళిపించాడు.
ఈ క్రమంలో 30 బాల్స్లో హాఫ్ సెంచరీ చేశాడు. స్టబ్స్తో నాలుగో వికెట్కు 44 బాల్స్లోనే 69 రన్స్ జోడించి వెనుదిరిగాడు. రాహుల్ నిష్క్రమణ తర్వాత వచ్చిన అక్షర్ పటేల్ (26) ఉన్నంతసేపు వేగంగా ఆడాడు. ఐదో వికెట్కు 47 రన్స్ జత చేసి రిటైర్డ్హర్ట్గా వెనుదిరిగాడు. తర్వాత వచ్చిన మిల్లర్ మెరుపు ఇన్నింగ్స్ ఆడాడు. చివరి ఓవర్లో గెలవడానికి 15 రన్స్ అవసరం కాగా షెఫర్డ్ బౌలింగ్లో రెండు సిక్స్లు కొట్టి చిరస్మరణీయ విజయాన్ని అందించాడు. స్టబ్స్కు ‘ప్లేయర్ ఆఫ్ ద మ్యాచ్’ అవార్డు లభించింది.
సంక్షిప్త స్కోర్లు
బెంగళూరు: 20 ఓవర్లలో 175/8 (సాల్ట్ 63, టిమ్ డేవిడ్ 26, అక్షర్ పటేల్ 2/18), ఢిల్లీ: 19.5 ఓవర్లలో 179/4 (స్టబ్స్ 60*, రాహుల్ 57, భువనేశ్వర్ 3/26).
