వాషింగ్టన్: అగ్రరాజ్యం అమెరికాలో తృటిలో ఘోర విమాన ప్రమాదం తప్పింది. ప్రయాణికులతో వెళ్తున్న డెల్టా ఎయిర్ లైన్స్కు చెందిన బోయింగ్ 767-400 విమానం గాల్లో ఉండగానే ఇంజిన్‌లో మంటలు చెలరేగాయి. శనివారం (జూలై 19) లాస్ ఏంజిల్స్ ఇంటర్నేషనల్ ఎయిర్ పోర్టు నుంచి విమానం అట్లాంటాకు బయలుదేరగా.. టేకాఫ్ అయిన కొద్ది సేపటికే ఫ్లైట్ ఇంజిన్‌లో ఒక్కసారిగా మంటలు చెలరేగాయి. వెంటనే అప్రమత్తమైన పైలట్ విషయాన్ని ఏటీసీకి తెలియజేసి.. ఎమర్జెన్సీ ల్యాండింగ్కు అనుమతి కోరాడు. ఏటీసీ నుంచి గ్రీన్ సిగ్నల్ రావడంతో తిరిగి లాస్ ఏజెంల్స్ ఎయిర్ పోర్టులో విమానాన్ని అత్యవసర ల్యాండింగ్ చేశారు.
ఈ ఊహించని పరిణామంతో ప్రయాణికులు తీవ్ర భయాందోళనకు గురయ్యారు. ఎలాంటి అవాంఛనీయ ఘటన జరగకుండా విమానం సేఫ్గా ల్యాండ్ కావడంతో ప్రయాణికులు, విమాన సిబ్బంది, అధికారులు ఊపిరి పీల్చుకున్నారు. గాల్లో ఉండగానే విమానం ఇంజిన్‌లో మంటలు చెలరేగిన దృశ్యాలు ఎయిర్ పోర్టు గ్రౌండ్ వీడియో ఫుటేజ్‌లో రికార్డ్ అయ్యాయి. ఈ వీడియోలు ప్రస్తుతం సోషల్ మీడియాలో వైరల్గా మారాయి.
ఈ ఘటనపై డెల్టా ఎయిర్ లైన్స్ స్పందించింది. ‘‘డెల్టా విమానం 446 టేకాఫ్ అయిన కొద్దిసేపటికే ఫ్లైట్ ఎడమ ఇంజిన్‌లో మంటలు రావడంతో లాస్ ఏంజిల్స్‌లో తిరిగి ల్యాండ్ అయ్యింది. ల్యాండింగ్ సమయంలో విమానం ఇంజిన్‌లో మంటలు ఆగిపోయాయి. ఈ ఘటనలో ప్రయాణికులు, సిబ్బందికి ఎలాంటి గాయాలు కాలేదు’’ అని తెలిపింది. విమానంలో మంటలు చెలరేగడానికి గల కారణాన్ని తెలుసుకోవడానికి ఫెడరల్ ఏవియేషన్ అడ్మినిస్ట్రేషన్ (FAA) దర్యాప్తు ప్రారంభించిందని వెల్లడించింది.
BREAKING 🔥
— Oxomiya Jiyori 🇮🇳 (@SouleFacts) July 19, 2025
ANOTHER BOEING NIGHTMARE: DELTA FLIGHT BURSTS INTO FLAMES AFTER LAX TAKEOFF BIUND FOR ATLANTA.
Boeing 767’s engine caught fire mid-air.
Pilots turned back. Passengers watched it burn.
Emergency crews were waiting. pic.twitter.com/wAASuLFKQg
