- బీజేపీ హనుమకొండ జిల్లా అధ్యక్షురాలు రావు పద్మ
హనుమకొండ, వెలుగు : ప్రభుత్వ నిర్లక్ష్యం వల్లే వరంగల్ సిటీ ముంపునకు గురవుతోందని బీజేపీ హనుమకొండ జిల్లా అధ్యక్షురాలు రావు పద్మ విమర్శించారు. భారీ వర్షాల కారణంగా వరంగల్ నగరంలో ముంపునకు గురైన కాలనీలను ఆమె బుధవారం పరిశీలించారు. సమ్మయ్యనగర్, హంటర్ రోడ్డు సాయి నగర్ ప్రాంతాల్లో పర్యటించి, పరిస్థితులను తెలుసుకున్నారు.
అనంతరం పునరావాస కేంద్రంలో ప్రజలకు ఆహార పదార్థాలు అందించారు. ఆమె వెంట బీజేపీ జిల్లా ప్రధాన కార్యదర్శి దేశిని సదానందం గౌడ్, పార్టీ వివిధ డివిజన్ల అధ్యక్షుడు యాదగిరి, రఘు, జగన్, నాయకులు నర్సింగ్, పవన్, గౌతం పాల్గొన్నారు.
బాధితులకు పరామర్శ : బీజేపీ రాష్ట్ర అధికార ప్రతినిధి ఏనుగుల రాకేశ్ రెడ్డి
సంతోషిమాతా ఫంక్షన్ హాల్ పునరావాస కేంద్రంలో బాధితులను బీజేపీ రాష్ట్ర అధికార ప్రతినిధి ఏనుగుల రాకేశ్ రెడ్డి పరామర్శించారు. అంతకు ముందు రామన్నపేట, తోషిమాత కాలనీ, ఎన్టీఆర్ నగర్ తదితర లోతట్టు ప్రాంతాల్లోఆయన పర్యటించారు.
