సొంత కారు ఉండాలనేది చాలా మంది కల.. కారు కొనేందుకు పండగ ఆఫర్ల కోసం ఎదురుచూస్తుంటారు. కంపెనీలు సైతం భారీ డిస్కౌంట్లు, ఇతర డీల్స్ తో యూజర్లను ఆకట్టుకుంటాయి. అలాగే ఈ దీపావళికి కూడా వివిధ కంపెనీలు డిస్కౌంట్లు, ఇతర ఆఫర్లు ఇస్తున్నాయి. అవేంటో ఇప్పుడు తెలుసుకుందాం.
మహీంద్రా XUV400 : మహీంద్రా తన ఎలక్ట్రిక్ వెహికిల్ సెగ్మెంట్‌లో XUV400 పై భారీ డిస్కౌంట్లను ఆఫర్ చేస్తోంది. టాటా నెక్సాన్ EV తో పోటీపడుతున్న ఈ కారుపై రూ. 1.50 లక్షల నుంచి రూ. .3.05 లక్షల వరకు డిస్కౌంట్ ఉంది.
మహీంద్రా XUV300: మహీంద్రా గ్రూప్ అతి చిన్న SUV XUV300 వేరియంట్‌పై రూ.1.2 లక్షల వరకు తగ్గింపును అందిస్తోంది. ఈ ప్రయోజనాలు W8, W6 వేరియంట్‌లపై అందుబాటులో ఉంది. టాప్-ఎండ్ W8 వేరియంట్‌కు రూ.95,000, W6 వేరియంట్ రూ.80,000 తగ్గింపుతో అందుబాటులో ఉన్నాయి.
మహీంద్రా బొలెరో : మహీంద్రా బొలెరో, బొలెరో నియో SUVలపై రూ.70,000 వరకు తగ్గింపులను కంపెనీ దీపావళి నెలలో అందిస్తోంది. B6 వేరియంట్ రూ.35,000 వరకు, బొలెరో కోసం ఎంట్రీ-లెవల్ B4 వేరియంట్ రూ.50,000 వరకు ప్రయోజనాలతో పాటు అదనంగా రూ.20,000 విలువైన కాంప్లిమెంటరీ యాక్సెసరీస్‌ కంపెనీ అందిస్తోంది.
టాటా టియాగో : టాటా మోటార్స్ దిగ్గజ కార్ మోడల్.. టాటా టియాగో పెట్రోల్ మోడల్‌పైన మొత్తం రూ. 55 వేల వరకు డిస్కౌంట్ పొందొచ్చు. దీంట్లో రూ. 35 వేలు క్యాష్ డిస్కౌంట్ కాగా.. రూ. 15 వేలు ఎక్స్చేంజ్ బోనస్, రూ. 5 వేలు కార్పొరేట్ డిస్కౌంట్ ఉంది.
