వయసు పెరుగుతున్నా అందంగా, యవ్వనంగా కనిపిస్తుంటారు కొందరు మగవాళ్లు. అందుకు ఫుడ్ హ్యాబిట్స్, జీన్స్ కారణం అనేది తెలిసిందే. అయితే జుట్టు, చర్మం అందంగా కనిపించాలనే తొందరలో కొన్ని పొరపాట్లు చేస్తుంటారు. అవేంటో తెలుసుకుంటే వాటివల్ల నష్టపోకుండా ఉండొచ్చు...
- తల స్నానానికి హట్ వాటర్ వాడితే వెంట్రుకలు దెబ్బతింటాయి. చుండ్రు వచ్చి వెంట్రుకలు రాలిపోతాయి. ఈ సమస్య రాకుండా ఖరీదైన షాంపూ, కండీషనర్ వాడక్కరలేదు. కొద్దిగా యాపిల్ సిడార్ వెనిగర్ను వేడినీళ్లలో వేయాలి. ఆ నీళ్లతో తలస్నానం చేయాలి. సల్ఫేట్ లేని షాంపూ కూడా వాడొచ్చు. నల్లా, షవర్లకు ప్యూరిఫైయింగ్ ఫిల్టర్స్ బిగిస్తే బెటర్.
- జీర్ణాశయంలో ఉండే ప్రొబ్యాక్టీరియా మన చర్మం తీరును ప్రభావితం చేస్తుంది. అందుకే పెరుగు తినాలి. లేదా ప్రొబయాటిక్స్ను సప్లిమెంట్స్ రూపంలో తీసుకున్నా పర్లేదు.
- రాత్రి నిద్రపోయే ముందు పాదాలు, కాలి మడమలకు ఆముదం నూనెతో మసాజ్ చేసుకోవాలి. తరువాత పాదాలను ఉప్పు కలిపిన వేడి నీళ్లలో కాసేపు ఉంచాలి.
- పళ్లు మెరవాలన్నా, నోటి దుర్వాసన, పంటి సమస్యలు రాకుండా ఉండాలన్నా తరచూ డెంటిస్ట్లను కలవాలి. నోరు శుభ్రంగా ఉంచుకోవాలి. రోజుకు రెండు సార్లు బ్రష్ చేసుకోవాలి. నీళ్లు బాగా తాగాలి.
- నోటి దుర్వాసన రాకుండా పైనాపిల్ ముక్కలు నమలాలి. వెనిగర్ ఉన్న మౌత్వాష్, ప్రొబయాటిక్స్, విటమిన్– సి ఉన్న పండ్లు, ఆహారం తినాలి.