మొబైల్ యాప్‌‌తో రౌడీలను బుక్ చేసుకోవచ్చు అనే కొత్త కాన్సెప్ట్‌‌తో యాక్షన్ ప్యాక్డ్ మూవీగా రూపొందుతోన్న చిత్రం ‘డాన్ 360’. భరత్ కృష్ణ, ప్రియా హెగ్డే జంటగా, శ్రీకాంత్ అయ్యంగార్, అర్చన అనంత్, సతీష్ సారిపల్లి కీలక పాత్రల్లో నటిస్తున్నారు. రీసెంట్‌‌గా ఈ మూవీ ట్రైలర్ లాంచ్ ఈవెంట్‌‌ను నిర్వహించారు. నిర్మాత ప్రతాని రామకృష్ణ గౌడ్ అతిథిగా హాజరై సినిమా విజయం సాధించాలని కోరారు.
ఈ సందర్భంగా హీరో, దర్శకుడు భరత్ కృష్ణ మాట్లాడుతూ ‘డిఫరెంట్ కాన్సెప్ట్‌‌తో ఈ కథను రాశాను. కొత్తదనం ఉంటే తెలుగు ప్రేక్షకులు ఎప్పుడూ ఆదరిస్తారనే నమ్మకం ఉంది’ అని అన్నాడు. కథ విన్నప్పుడు ఎంతో ఎక్సయిటింగ్‌‌గా ఉందని చెప్పింది ప్రియా హెగ్డే. రాజ్ కిరణ్ ఈ చిత్రానికి సంగీతం అందిస్తున్నాడు.
