డొనాల్డ్ ట్రంప్కు 30 ఏండ్ల కిందట్నే సొంతంగా తాజ్మహల్ ఉండేది! అమెరికాలోని న్యూజెర్సీలో 1990లోనే ట్రంప్ఆ తాజ్మహల్ను కట్టించాడు. కానీ దానితో కలిసిరాక బాగా అప్పుల పాలైండు. తర్వాత అడ్డికి పావుశేరు రేటుకు దాన్ని అమ్మేసుకున్నడు. ఇంతకీ ట్రంప్ కట్టించిన తాజ్ మహల్ ప్రేమ కోసం, ప్రేమగా కట్టించిన కట్టడం కాదు.. బాగా డబ్బు సంపాదించడం కోసం, డబ్బులతో గేమ్స్ ఆడేందుకు కట్టిన కాసినో బిల్డింగ్. 1990 ఏప్రిల్ ఐదో తారీఖున ట్రంప్ ఆ తాజ్ మహల్ క్యాసినోను ఓపెన్ చేశాడు. తాజ్మహల్ను తలపించేలా డోమ్లాంటి పైకప్పు, మినార్లు, ధగధగ లాడే లైట్లు, ఫౌంటేన్లతో బాగానే రిచ్గా కట్టాడు. ట్రంప్ ఎంటర్టైన్మెంట్రిసార్ట్స్ కంపెనీ పేరుమీద దాన్ని నడిపిండు. కానీ కొద్దినెలలకే బాగా నష్టాలొచ్చినయ్. బ్యాంకులకు అప్పులు తీర్చలేక ఆ కంపెనీ చేతులెత్తేసింది. చివరికి కొన్నేండ్ల కిందట్నే ఆ తాజ్మహల్ క్యాసినోను అగ్గువ ధరకే హార్డ్ రాక్ కేఫ్ వాళ్లకు అమ్మేసిండు. ఇప్పుడు దానికి ట్రంప్కు ఏం సంబంధం లేనట్టే. అయితే ఇప్పుడు ట్రంప్ అమెరికా ప్రెసిడెంట్ హోదాలో భార్యాపిల్లలతో కలిసి ఆగ్రాలోని మన తాజ్మహల్ దగ్గరికి వచ్చిండు. ఫొటోలు దిగిండు. మరి దీనిని చూసే సరికి అప్పటి తాజ్ మహల్ కాసినో, అది తెచ్చిన నష్టాలు గుర్తొచ్చి ఉంటాయా? అని సోషల్ మీడియాలో సెటైర్లు పడుతున్నయి.
