ప్రతి పండక్కీ హీరోలు తమ సినిమాకి సంబంధించిన అప్డేట్స్తో ఫ్యాన్స్ని సంతోష పరుస్తుంటారు. నాని కూడా ఇదే పని చేయడానికి రెడీ అయ్యాడు. శ్రీకాంత్ ఓదెల డైరెక్షన్లో ‘దసరా’ చిత్రంలో నటిస్తున్నాడు నాని. గోదావరిఖనిలోని సింగరేణి కోల్ మైన్స్ బ్యాక్డ్రాప్లో ఈ సినిమా రూపొందుతోంది. దసరా కానుకగా మొదటి పాటను రిలీజ్ చేయనున్నట్టు ఓ వీడియో గ్లింప్స్ ద్వారా నిన్న ప్రకటించారు. ఇందులో నాని మందు కొడుతూ కనిపిస్తున్నాడు. ‘ధూమ్ ధామ్ దోస్తానా... మాసీయెస్ట్ లోకల్ స్ట్రీట్ సాంగ్ ఎవర్’ సంతోష్ నారాయణన్ కంపోజ్ చేసిన ఈ పాట విజయదశమికి వస్తోందని చెప్పాడు నాని. గతంలో ఫ్రెండ్షిప్ డే సందర్భంగా ఈ పాటకి సంబంధించిన పోస్టర్ను వదిలారు. ఇప్పుడు పాటను విడుదల చేస్తున్నారు.
ఈ చిత్రం కోసం రగ్డ్ లుక్లోకి మారిపోయిన నాని.. తెలంగాణ యాసలో డైలాగ్స్ చెప్తున్నాడు. కీర్తి సురేష్ హీరోయిన్గా నటిస్తోంది. సముద్రఖని, సాయి కుమార్, జరీనా వహాబ్ కీలక పాత్రలు పోషిస్తున్నారు. సుధాకర్ చెరుకూరి నిర్మిస్తున్న ఈ చిత్రాన్ని తెలుగు, తమిళ, కన్నడ, మలయాళ, హిందీ భాషల్లో రిలీజ్ చేయనున్నారు.