ఉస్మానియా సూపరింటెండెంట్ నాగేందర్
హైదరాబాద్, వెలుగు: ఫిట్స్ వ్యాధిపై అవగాహన అవసరమని ఉస్మానియా హాస్పిటల్ సూపరింటెండెంట్ డాక్టర్ బి. నాగేందర్ తెలిపారు. వరల్డ్ ఎపిలెప్సీ డే సందర్భంగా గురువారం ఉస్మానియా హాస్పిటల్లో ఫిట్స్ వ్యాధిపై అవగాహన కార్యక్రమం నిర్వహించారు. ఈ సందర్భంగా నాగేందర్ మాట్లాడుతూ.. ఇప్పటికీ కొందరు అవగాహన లేకుండా.. ఫిట్స్ బాధితులను భూత వైద్యుల దగ్గర తీసుకెళ్లి ప్రాణాల మీదకి తెస్తున్నారన్నారు. ఫిట్స్ను వ్యాధిగా గుర్తించాలన్నారు. ఫిట్స్ వచ్చిన వ్యక్తి చేతిలో తాళం పెట్టడం, నోరు మూయడం చేయొద్దన్నారు. పేషెంట్ను ఎడమవైపు పడుకోబెట్టాలని.. నాలుక బయటకు వచ్చేలా చూడాలన్నారు. ఫిట్స్ వచ్చిన వ్యక్తి చుట్టూ జనాలు గుమిగూడకుండా పేషెంట్కు ఆక్సిజన్ అందేలా చూడాలన్నారు. వెంటనే అంబులెన్స్కు కాల్ చేసి దగ్గరలోని హాస్పిటల్కు తీసుకెళ్లాలన్నారు. కార్యక్రమంలో అడిషనల్ సూపరింటెండెంట్ డాక్టర్ బి. త్రివేణి, ఆర్‌‌ఎంవోలు, పారామెడికల్ సిబ్బంది, నర్సింగ్ సిబ్బంది, స్టూడెంట్లు, న్యూరాలజీ విభాగం డాక్టర్లు పాల్గొన్నారు.
