న్యూఢిల్లీ : దేశవ్యాప్తంగా సెకండరీ లెవల్ స్కూల్ డ్రాపౌట్ రేటు.. ఏడు రాష్ట్రాల్లో జాతీయ సగటు కంటే ఎక్కువగా నమోదైంది. 2021–22లో డ్రాపౌట్ నేషనల్ యావరేజ్ 12.60 శాతంగా ఉంది. అయితే, గుజరాత్, బీహార్, కర్నాటక, అస్సాం, పంజాబ్తో పాటు మొత్తం ఏడు రాష్ట్రాల్లో డ్రాపౌట్ రేటు భారీ గా పెరిగింది. 2023–24లో ‘‘సమగ్ర శిక్ష” కార్యక్రమం అమలుపై కేంద్ర విద్యా మంత్రిత్వ శాఖ నేతృత్వంలో ప్రాజెక్ట్ అప్రూవల్ బోర్డ్ (పీఏబీ) మీటింగ్లు జరిగాయి. ఈ క్రమంలో సెకండరీ స్కూల్ డ్రాపౌట్స్ లెక్కలు బయటికొచ్చాయి.
ఈ ఏడాది మార్చి నుంచి మే మధ్యలో అన్ని రాష్ట్రాలు, కేంద్ర పాలిత ప్రాంతాల్లో పీఏబీ మీటింగ్లు కేంద్రం నిర్వహించింది. నూతన జాతీయ విద్యా విధానంలో భాగంగా.. 2030 నాటికి పాఠశాల స్థాయిలో 100 శాతం గ్రాస్ ఎన్రోల్మెంట్ రేటు (జీఈఆర్) సాధించాలని ప్రభుత్వం లక్ష్యంగా పెట్టుకుంది. అయితే, డ్రాపౌట్స్ సమస్య జీఈఆర్ లక్ష్యాన్ని నీరుగారుస్తున్నట్లు అధికారులు తెలిపారు.
బీహార్లో 20.46 శాతం
దేశవ్యాప్తంగా 2021–2022 అకడమిక్ ఇయర్లో డ్రాపౌట్ రేటు అత్యధికంగా మేఘాలయలో 21.70 శాతంగా నమోదైంది. తర్వాత బీహార్లో 20.46 శాతం, అస్సాంలో 20.30 శాతం, గుజరాత్లో 17.85 శాతం, ఆంధ్రప్రదేశ్లో 16.70 శాతం, పంజాబ్లో 17.20 శాతం, కర్నాటకలో 14.60 శాతం ఉంది. ఈ రాష్ట్రాల డ్రాపౌట్ రేటు.. నేషనల్ యావరేజ్ (12.60 శాతం) కంటే ఎక్కువగా నమోదైంది. వెస్ట్ బెంగాల్లో 2020 – 2021తో పోలిస్తే 2021–2022 అకడమిక్ ఇయర్లో డ్రాపౌట్ రేటు భారీగా తగ్గినట్లు పీఏబీ మీటింగ్లో స్పష్టమైంది. కేంద్ర పాలిత ప్రాంతమైన ఢిల్లీలో చాలా మంది బడి మానేసిన పిల్లలు ఉన్నారు.
మధ్యప్రదేశ్లో తగ్గిన డ్రాపౌట్స్
మధ్యప్రదేశ్లో సెకండరీ లెవల్ డ్రాపౌట్ రేటు భారీగా తగ్గింది. 2020 – 21 అకడమిక్ ఇయర్లో 23.80 శాతం ఉంటే.. 2021–2022 నాటికి 10.10 శాతానికి తగ్గింది. డ్రాపౌట్స్ తగ్గించేందుకు మధ్యప్రదేశ్ స్టేట్ గవర్నమెంట్ ప్రతి ఏడాదీ స్పెషల్ ప్రోగ్రామ్స్ కండక్ట్ చేస్తుంటుంది. దీనికోసం ప్రత్యేకమైన మొబైల్ యాప్ను రూపొందించింది. కాగా, ఉత్తరప్రదేశ్లోని కొన్ని జిల్లాల్లో యానువల్ యావరేజ్ డ్రాపౌట్ రేటు భారీగా ఉంది. నిరుడు యునైటెడ్ నేషన్స్ చిల్ర్డన్స్ ఫండ్ (యునిసెఫ్) చేసిన సర్వే ప్రకారం.. ఇండియాలో 33 శాతం మంది బాలికలు ఇళ్లల్లో పని కారణంగా చదువుకు దూరం అవుతున్నట్లు తేలింది.
