ఓటరు జాబితా సవరణ (SIR) ను మరో ఏడు రోజులు పొడిగిస్తూ నిర్ణయం తీసుకుంది కేంద్ర ఎన్నికల సంఘం. ప్రస్తుతం 12 రాష్ట్రాలు, కేంద్ర పాలిత ప్రాంతాలలో కొనసాగుతున్న సర్.. ఫిబ్రవరి 14 వరకు పొడిగిస్తున్నట్లు నవంబర్ 30న ప్రకటించింది.
ఓటర్ల డ్రాఫ్ట్ లిస్ట్ పబ్లిష్ చేసేందుకు పోల్ అధికారులకు మరో వారం రోజులు సమయం ఇస్తున్నట్లు ప్రకటించింది. ఓటర్ల ఎన్యూమరేషన్ సమయం డిసెంబర్ 4 కు ఉండగా.. డిసెంబర్ 11 వరకు పొడిగించింది. దీంతో ఓటర్ల జాబితా పబ్లిషింగ్ తేదీ ఫిబ్రవరి 14కు పొడిగించారు.
వాస్తవానికి డ్రాఫ్ట్ ఓటర్ లిస్టు డిసెంబర్ 9 న రిలీజ్ కావాల్సి ఉండగా.. అది డిసెబంర్ 16 కు పొడిగించారు. ఫైనల్ లిస్టు ఫిబ్రవరి 14 న విడుదల చేయనున్నారు.
కొత్తగా విడుదలైన తేదీల ప్రకారం.. రేషనలైజేషన్, రీ అరేంజ్మెంట్ ఆఫ్ పోలింగ్ స్టేషన్స్ గడువు డిసెంబర్ 11 గా నిర్ణయించారు. డ్రాఫ్ట్ ఎలక్టోరల్ రోల్ పబ్లికేషన్ తేదీ డిసెంబర్ 16 గా తెలిపారు. ఫైనల్ లిస్టు పబ్లికేషన్ ఫిబ్రవరి 14న రిలీజ్ అవుతుంది.
ప్రస్తుత ప్రక్రియలో పశ్చిమ బెంగాల్, తమిళనాడు, మద్య ప్రదేశ్, ఉత్తరప్రదేశ్ మొదలైన రాష్ట్రాలు ఉన్నాయి. 2026 లో వెస్ట్ బెంగాల్ లో ఎన్నికలు నిర్వహించనున్నారు.
బెంగాల్ లో తొలి దశ SIR సమీపిస్తోంది. మొత్తం 18 లక్షల 70 వేల ఓట్లు చనిపోయిన వారివని.. ఇప్పటికీ ఆ లిస్టు అలాగే కొనసాగుతోందని ఈసీ తెలిపింది. ఈ క్రమంలో డ్రాఫ్ట్ నుంచి అవసరం లేని ఓట్లను తొలగించనుంది ఈసీ. ప్రస్తుతం 35 లక్షల ఓటర్లను తొలగించే అవకాశం ఉన్నట్లు చెబుతున్నారు. ఈ నిర్ణయాన్ని మమతా ప్రభుత్వం పూర్తిగా వ్యతిరేకిస్తోంది.
