- మాజీ మంత్రి షబ్బీర్ అలీ
కామారెడ్డి టౌన్, వెలుగు : కామారెడ్డిలో ఈ సారి ఎన్నికల్లో కల్వకుంట్ల ఫ్యామిలీకి, ప్రజలకు మధ్య వార్ జరగనుందని మాజీ మంత్రి షబీర్అలీ పేర్కొన్నారు. శుక్రవారం జిల్లా కేంద్రంలో కార్యకర్తలతో నిర్వహించిన ప్రోగ్రామ్ లో ఆయన మాట్లాడారు. ఆయన మాట్లాడుతూ.. హైదరాబాద్, గజ్వేల్లో రింగు రోడ్డు పేరుతో భూములమ్ముకొని, ఇప్పుడు కామారెడ్డి వస్తున్నారన్నారు. అందుకే ఇక్కడ రింగు రోడ్డు ప్రస్తావన తీసుకొస్తున్నారన్నారు. మార్పు రావాలంటే కేసీఆర్ను ఓడించాలన్నారు.
కామారెడ్డిలో కేసీఆర్ను ఓడించి బీఆర్ఎస్ను భూస్థాపితం చేస్తామన్నారు. గజ్వేల్మాజీ ఎమ్మెల్యే నర్సారెడ్డి మాట్లాడుతూ.. గజ్వేల్లో కేసీఆర్ చేసిన అభివృద్ధి ఏమీ లేదన్నారు. 5 వేల ఇండ్లు కట్టిస్తానని చెప్పి, కేవలం 1200 ఇండ్లు మాత్రమే కట్టారన్నారు. డీసీసీ ప్రెసిడెంట్ కైలాస్ శ్రీనివాస్రావు, లీడర్లు ఎడ్ల రాజిరెడ్డి, ఇంద్రాకరణ్రెడ్డి పాల్గొన్నారు.
