భారత మైక్రో బ్లాగింగ్ ప్లాట్ ఫామ్ ‘కూ’ ట్విట్టర్ అకౌంట్ ని ట్విట్టర్ నుంచి ఎలన్ మస్క్ తొలగించారు. దీంతో పాటు న్యూయార్క్ టైమ్స్, సీఎన్ ఎన్, వాషింగ్టన్ పోస్ట్ లాంటి మీడియా సంస్థల్లో పని చేస్తున్న జర్నలిస్ట్ ల అకౌంట్లను కూడా ట్విట్టర్ నుంచి తొలగించారు. దీనికి కారణం.. కూ ఇతర సమాచారాన్ని పోస్ట్ చేయడం, జర్నలిస్టులు వాళ్ల వార్తలకు సంబంధించిన లింక్ లను ట్విట్టర్ ద్వారా పంచుకోవడమేనని, ఇవి సురక్షితం కాదని ఎలన్ మస్క్ చెబుతున్నారు.
అయితే, ఈ విషయంపై స్పంధించిన కూ వ్యవస్థాపకులు మయాంక్ బిదావత్కా #ఎలన్ ఈజ్ డిస్ట్రోయింగ్ ట్విట్టర్ అంటూ ట్వీట్ చేశారు. మస్క్ తనకు అనుకూలంగా ఉండేలా ట్విట్టర్ ను మార్చుకుంటున్నారని, తన తీరు ప్రజాస్వామ్య బద్ధంగా లేదని విమర్శించారు. ట్విట్టర్ ఒక ప్రచురణకర్తగా మారిందని, అంతేగానీ, ఓ వేదిక కాదని పేర్కొన్నారు.
ట్విట్టర్ కి పోటీగా కూ యాప్ ని తీసుకొచ్చిన విషయం తెలిసిందే. ట్విట్టర్ లో ఎదురవుతున్న పరిణామాల వల్ల పలు చాలామంది కూ ప్లాట్ ఫామ్ ని ప్రత్యామ్నాయంగా ఎంచుకుంటున్నారు.
