వయసు పైబడుతన్న కొద్దీ జీవక్రియల వేగం తగ్గి, క్యాలరీలను కరిగించడం, బాడీని ఒక షేప్లో ఉంచుకోవడం కొంచెం కష్టంగా అనిపిస్తుంది. అయితే నలభైల్లో కూడా ఈజీగా బరువు తగ్గొచ్చు.
అందుకు ఏం చేయాలంటే..
ప్రొటీన్ ఫుడ్ ఎక్కువ తినాలి. గుడ్లు, పప్పులు, బీన్స్, మాంసం వంటి వాటిలో ప్రొటీన్ బాగా దొరుకుతుంది. బరువు తగ్గడానికి క్యాలరీలు తక్కువగా ఉన్న డైట్ తినడం చాలా ముఖ్యం. అలాగని పూర్తిగా కార్బోహైడ్రేట్స్ తినడం మానేయొద్దు. బాడీకి ప్రొటీన్లతో పాటు కార్బోహైడ్రేట్స్ కూడా అంతే అవసరం. కాకపోతే ఎక్కువ కార్బోహైడ్రేట్స్ తినకుండా జాగ్రత్త పడాలి. స్వీట్లు, జంక్ ఫుడ్ మీదకు మనసు మళ్లినప్పుడు డార్క్ చాక్లెట్స్ తినాలి. దాంతో జింక్, ఇతర అత్యవసర పోషకాలు అందుతాయి. డార్క్ చాక్లెట్స్ తింటే ఒత్తిడి తగ్గడమే కాకుండా చక్కగా నిద్ర పడుతుంది. కొత్తగా వచ్చే ప్రతి డైట్ అందరికి సరిపడకపోవచ్చు. పోషకాలు సరిపడా లభించే, ఆరోగ్యంగా ఉండే డైట్నే కంటిన్యూ చేయాలి.