జొహన్నెస్ బర్గ్‌: సౌతాఫ్రికా మాజీ కెప్టెన్, సీనియర్ ఆటగాడు ఫా డుప్లెసిస్ అనూహ్య నిర్ణయం తీసుకున్నాడు. 14 సీజన్ల పాటు ఐపీఎల్‌‌‌‌లో చెరగని ముద్ర వేసిన అతను రాబోయే ఐపీఎల్ 2026 మెగా వేలానికి దూరంగా ఉంటున్నాడు. వచ్చే మెగా లీగ్‌‌‌‌కు దూరంగా ఉండి ఆ సమయంలో పాకిస్తాన్ సూపర్ లీగ్ (పీఎస్‌‌‌‌ఎల్‌)లో ఆడాలని ఎంచుకున్నాడు.
‘ఇది ఒక పెద్ద నిర్ణయం. లీగ్లో నాది14 ఏండ్ల సుదీర్ఘ ప్రయాణం. అయితే, ఈ ఏడాది నేను కొత్త సవాలును స్వీకరించడానికి సిద్ధమయ్యా.. పీఎస్‌‌‌‌ఎల్‌‌‌‌లో ఆడటం ద్వారా కొత్త వాతావరణాన్ని అనుభవించడానికి, ఒక ఆటగాడిగా ఎదగడానికి ఇది ఒక అద్భుతమైన అవకాశం’ అని డుప్లెసిస్ సోషల్ మీడియా పోస్ట్‌‌‌‌లో పేర్కొన్నాడు. ఇది ఐపీఎల్‌‌‌‌కు వీడ్కోలు కాదని.. లీగ్లో మళ్లీ తనను చూస్తారని స్పష్టం చేశాడు.
