సౌతాఫ్రికా టీ20 లీగ్లో తొలి సెంచరీ నమోదైంది. జోబర్డ్ సూపర్ కింగ్స్ టీమ్‌ కెప్టెన్ ఫాఫ్ డుప్లెసిస్ శతకం బాదాడు. డర్బన్స్ సూపర్ జెయింట్స్ తో జరిగిన మ్యాచ్ లో 86 బంతుల్లోనే 8 ఫోర్లు, 8 సిక్సర్లతో సెంచరీ కొట్టాడు. దీంతో సౌతాఫ్రికా టీ20 లీగ్ లో మొదటి సెంచరీ చేసిన క్రికెటర్ గా డూ ప్లెసిస్ చరిత్రకెక్కాడు.
ఈ మ్యాచ్‌లో మొదట బ్యాటింగ్ చేసిన డర్బన్స్ సూపర్ జెయింట్స్ 20 ఓవర్లలో 6 వికెట్లకు 178 పరుగులు చేసింది. హెన్రీచ్ క్లాసెన్ (65) హాఫ్ సెంచరీ చేశాడు. జాసన్ హోల్డర్(28 నాటౌట్) రాణించాడు. ఆ తర్వాత లక్ష్యచేధనకు దిగిన జోబర్గ్ సూపర్ కింగ్స్ 19.1 ఓవర్లలో 2 వికెట్లు కోల్పోయి 182 పరుగులు చేసి విజయం సాధించింది. డుప్లెసిస్ ఫాస్టెస్ట్ సెంచరికి తోడుగా ఓపెనర్ రిజా హెండ్రీక్స్(45)తో రాణించాడు.
