లక్నో: ఉత్తరప్రదేశ్ కు చెందిన17 ఏండ్ల అమ్మాయి కడుపులో నుంచి డాక్టర్లు రెండు కిలోల వెంట్రుకలు బయటకు తీశారు. ట్రైకోబెజోవర్ అనే అరుదైన మానసిక వ్యాధితో బాధపడుతున్న ఆ అమ్మాయి రెండేండ్లుగా తన జట్టు తానే పీక్కొని తింటోంది. రోజు రోజుకు బలహీనంగా మారడంతోపాటు కడుపునొప్పితో బాధపడుతుండటంతో పేరెంట్స్ఆమెను దగ్గరలో ఉన్న బలరాంపూర్హాస్పిటల్ కు తరలించారు. డాక్టర్ ఎస్ఆర్ సందార్ ఆమెకు సీటీ స్కాన్, ఎండోస్కోపీ, అల్ట్రాసౌండ్తదితర పరీక్షలు చేసి, అమ్మాయి కడుపులో వెంట్రుకలు పేరుకుపోయి బంతిలా మారినట్లు గుర్తించారు. దాదాపు గంటన్నరపాటు ఆపరేషన్చేసి తీయగా రెండు కిలోల వెంట్రుకలు బయటపడ్డాయి. అవి ముద్దగా మారి చిన్నపేగు ద్వారాన్ని బ్లాక్చేయడంతో జీర్ణవ్యవస్థ దెబ్బతిని ఆమె బలహీనంగా మారిందని ఈ క్రమంలోనే 32 కేజీల బరువు తగ్గిందని డాక్టర్లు తెలిపారు.
