- చివరి రోజు రూ.100.15 కోట్ల ఆదాయం
హైదరాబాద్ సిటీ, వెలుగు: ఎర్లీబర్డ్ స్కీమ్ తో బల్దియాకు భారీగా ఆదాయం వచ్చింది. బుధవారంతో స్కీమ్గడువు ముగియగా, నెలరోజుల్లో రూ.898.40 కోట్ల కలెక్షన్ వచ్చినట్లు అధికారులు ప్రకటించారు. గతేడాది రూ.831 కోట్లు రాగా, ఈ సారి రూ.67 కోట్లు అదనంగా వచ్చింది. ఏటా ఎర్లీబర్డ్ అమలు టైంలో జీహెచ్ఎంసీ టార్గెట్ పెట్టుకుంటోంది. ఈ ఏడాది రూ.850 కోట్లు రాబట్టాలని నిర్ణయించగా, అంతకు మించి వసూలైంది. ప్రతిసారి ఆర్థిక సంవత్సరం ప్రారంభంలో ఎర్లీబర్డ్స్కీమ్ ను అమలు చేస్తున్నారు. దీని కింద ప్రాపర్టీ ట్యాక్స్కట్టిన వారికి ఐదు శాతం రిబెట్ లభిస్తుంది.
7 లక్షల మంది నుంచి రెస్పాన్స్
ఎర్లీబర్డ్ కింద రిబెట్పొందేందుకు చాలా మంది ఇంట్రెస్ట్ చూపుతున్నారు. ప్రతిఏటా వీరి సంఖ్య పెరుగుతూనే ఉంది. గతేడాది 6,58,000 మంది ప్రాపర్టీ దారులు ఎర్లీ బర్డ్ స్కీమ్ను సద్వినియోగం చేసుకోగా, ఈ సారి 7,91,701 మంది ఉపయోగించుకున్నారు. చివరి రోజైన బుధవారం ఒక్కరోజే ఎర్లీబర్డ్ ద్వారా 62,477 మంది ప్రాపర్టీ ట్యాక్స్ కట్టారు. దీంతో ఒక్కరోజులో బల్దియాకు రూ.100.15 కోట్ల ఆదాయం వచ్చింది.
ఏటా పెరుగుతున్న ఆదాయం
జీహెచ్ఎంసీలో ఎర్లీబర్డ్ స్కీమ్ను తొమ్మిదేండ్లుగా అమలు చేస్తున్నారు. 2017-–18లో రూ.362 కోట్లు, 2018-–19లో రూ.432కోట్లు, 2019–20లో రూ.535 కోట్లు, 2020–-21లో రూ.572 కోట్లు, 2021-–22(కరోనా టైం)లో రూ.541 కోట్లు, 2022-–23లో రూ.743 కోట్లు, 2023–24లో రూ.766 కోట్ల ఆదాయం వచ్చింది. గతేడాది రూ.750 కోట్ల టార్గెట్ కాగా, రూ.831 కోట్లు వచ్చింది.
