హైదరాబాద్, వెలుగు: గ్లోబల్ ఫార్మా ఏఐ, కంప్లయన్స్ అండ్ టెక్నాలజీ సదస్సు (జీపీఏసీటీఎస్) 2026ను హైదరాబాద్లోని హెచ్ఐసీసీలో వచ్చే నెల మూడో తేదీన నిర్వహిస్తారు. దాదాపు 400 మంది సీనియర్ లీడర్లు, ఎక్స్పర్టులు, అధికారులు హాజరవుతారని నిర్వాహకులు తెలిపారు.
ఫార్మా రంగంలో ఏఐ, డిజిటల్ తయారీ, డేటా భద్రత, సైబర్ భద్రత, నియంత్రణ నిబంధనలపై సదస్సులో చర్చిస్తారు. ఆల్కెమ్ ల్యాబ్స్, డాక్టర్ రెడ్డీస్ ల్యాబ్స్, వొకార్డ్, గ్రాన్యూల్స్, ‘బయలాజికల్ ఈ’ సంస్థల సీనియర్ లీడర్లు పాల్గొంటారు. ఫార్మా రంగంలో డిజిటల్ మార్పులను వేగవంతం చేయడం, నాణ్యతా ప్రమాణాలను కచ్చితంగా పాటించడంపై జీపీఏసీటీఎస్ దృష్టి పెడుతుంది.
