తమిళనాడు సీఎంగా బాధ్యతలు స్వీకరించిన దళపతి విజయ్ను విష్ చేయడానికి సినీ ప్రముఖులు కలుస్తున్నారు. ఇప్పటికే, తమిళ సినీ స్టార్స్, డైరెక్టర్స్, పొలిటికల్ లీడర్స్ ఇలా ప్రతి రంగంలోని ప్రముఖులు కలిసి శుభాకాంక్షలు తెలుపుతున్నారు. ఈ క్రమంలోనే GOAT డైరెక్టర్ వెంకట్ ప్రభు సీఎం విజయ్ని కలిసి ప్రత్యేక కానుక అందించారు. మరి ముఖ్యంగా ఈ ప్రత్యేక బహుమతితో వేడుకలను మరో అడుగు ముందుకు తీసుకెళ్లారు.
GOAT సినిమాలో విజయ్ ఉపయోగించిన ‘TN07 CM 2026’ నంబర్ ప్లేట్ను ప్రత్యేక ఫ్రేమ్గా రూపొందించి బహుమతిగా అందించారు డైరెక్టర్. వాస్తవానికి సినిమాలో విజయ్ నడిపిన కారుపై కనిపించిన ఈ నంబర్ అప్పట్లోనే అభిమానుల దృష్టిని ఆకర్షించింది. చాలామంది దీన్ని 2026లో విజయ్ రాజకీయ భవిష్యత్తుకు సంకేతంగా భావించారు. ఇందులో ‘TN’ అంటే తమిళనాడు, ‘CM’ అంటే ముఖ్యమంత్రి, ‘2026’అనేది ఎన్నికల సంవత్సరాన్ని సూచిస్తున్నాయి. ఇప్పుడు విజయ్ సీఎం కావడంతో, ఆ నంబర్ ప్లేట్ మరోసారి సోషల్ మీడియాలో వైరల్గా మారింది.
TVK formed in Feb 2024
— Fundamental Investor ™ 🇮🇳 (@FI_InvestIndia) May 4, 2026
The Greatest of All Time release Sep 2024
Look at the Car number.
TN 07 CM 2026 ❤️❤️❤️
The Election Results came out First in Theatre Screens 🔔
Peak Detailing by @vp_offl Venkat Prabhu in Thalapathy Vijay movie GOAT 🔥🔥🔥#FI pic.twitter.com/Uv5M7RZR5A
ఐకానిక్ నంబర్ ప్లేట్..
నలుపు, గోధుమ, రాగి రంగుల కలయికతో రూపొందించిన ఈ స్పెషల్ ఫ్రేమ్లో TVK పార్టీ రంగులైన ఎరుపు, పసుపు బ్యాక్గ్రౌండ్గా ఉపయోగించారు. కింద విజయ్-వెంకట్ ప్రభు చేతులు కలిపిన ఫస్ట్ కలయిక ఫోటోతో పాటు, గోల్డ్ ప్లేట్పై “VP & Team First Prediction” అని రాశారు. ఈ ప్రత్యేక కానుకను అందుకున్న సీఎం విజయ్ ఆనందం వ్యక్తం చేశారు. సినిమాలో ఊహించిన సన్నివేశం నిజ జీవితంలో వాస్తవంగా మారడంతో ‘గోట్ కల’ నిజమైందని విజయ్ ఫ్యాన్స్ ట్వీట్స్ పెడుతున్నారు.
నిజానికి GOAT సినిమాలో విజయ్ వాడిన కారుపై ఈ నంబర్ కనిపించగా, అది ఒట్టి ఊహ మాత్రమే అని కొన్నిరాజకీయ వర్గాలు భావించాయి. ఇప్పుడు విజయ్ ఏకంగా భారీ మెజార్టీతో తమిళనాడు ముఖ్యమంత్రి కావడంతో, ఆ నంబర్ ప్లేట్ నిజమైన రాజకీయ ప్రయాణానికి ప్రతీకగా మారింది.
ఈ సందర్భంగా ఫొటోలను ఎక్స్లో పంచుకున్న డైరెక్టర్ వెంకట్ ప్రభు.. “ఒక ఆలోచన నుంచి విజన్ వరకు: గౌరవనీయ ముఖ్యమంత్రి విజయ్ను కలిసి GOAT తొలి గుర్తుగా ‘TN07 CM 2026’ నంబర్ ప్లేట్ అందించడం సంతోషంగా ఉంది. అనుకున్నట్టే విజయ్ చరిత్ర సృష్టించారు. ఇది కేవలం ఆరంభం మాత్రమే.” అని వెంకట్ ప్రభు పేర్కొన్నారు.
A history is made..
— venkat prabhu (@vp_offl) May 18, 2026
From a thought… to a vision… to this moment.
Happy to have met our honourable CM @TVKVijayHQ na today and present the very first manifestation of #GOAT. ❤️❤️❤️
This is only the beginning.
TN07CM2026 pic.twitter.com/VxwvFOKTo4
TVK పార్టీని విజయ్ 2024 ఫిబ్రవరిలో ప్రారంభించిన కొద్ది నెలలకే GOAT విడుదలైంది. అప్పటికే విజయ్ రాజకీయ ప్రవేశంపై భారీ చర్చ సాగుతుండగా, ఇప్పుడు ఈ నంబర్ ప్లేట్ సన్నివేశం మళ్లీ వైరల్ కావడం సినీ రాజకీయ వర్గాల్లో ఆసక్తికరంగా మారింది. ఇపుడు ఈ ఐకానిక్ నెంబర్ ప్లేట్ మరోసారి సోషల్ మీడియాలో విపరీతంగా వైరల్ అవుతుంది.
