గత రెండు రోజులుగా బెంగళూరులోని 16 ప్రాంతాల్లో ఆదాయపు పన్ను శాఖ దాడులు నిర్వహించగా భారీగా నగదు, బంగారం పట్టుబడింది. పారిశ్రామికవేత్తలు, బంగారు వ్యాపారుల ఆవరణలపై అధికారులు దాడులు నిర్వహించారు. ఈ దాడుల్లో మొత్తం రూ.కోటి 33 లక్షల నగదు స్వాధీనం చేసుకున్నారు. అదనంగా 22 కిలోల 923 గ్రాముల బంగారు ఆభరణాలు, వజ్రాలు, బినామీ ఆస్తుల పత్రాలను కూడా స్వాధీనం చేసుకున్నారు. వచ్చే లోక్సభ ఎన్నికలకు ముందు ఈ పరిణామం చోటు చేసుకుంది.
- బెంగళూరు దక్షిణ లోక్సభ నియోజకవర్గం పరిధిలోని శంకర్పూర్లో రూ.3 కోట్ల విలువైన బంగారు ఆభరణాలు స్వాధీనం చేసుకున్నారు.
- శారాదేవి రోడ్డులో రూ.3 కోట్ల 39 లక్షల విలువైన బంగారం స్వాధీనం చేసుకున్నారు.
- మర్కంటైల్ బ్యాంకులో రూ.2 కోట్ల 13 లక్షల విలువైన బంగారం పట్టుబడింది.
- జయనగర్ 3వ బ్లాక్లో రూ.5 కోట్ల 33 లక్షల విలువైన బంగారం స్వాధీనం చేసుకున్నారు.
- చామరాజ్పేటలోని సరస్వత్ బ్యాంకులో 84 విలువైన బంగారు కడ్డీలు స్వాధీనం చేసుకున్నారు.
- బసవనగుడిలోని పోస్టాఫీసులో 3 లక్షల 34 వేల విలువైన 6.38 క్యారెట్ల వజ్రం లభించింది.
- శారదా దేవి రోడ్డులో 3 లక్షల 14 వేల విలువైన 5.99 క్యారెట్ల వజ్రం లభ్యమైంది.
- జయనగర్లో రూ.6 కోట్ల 40 లక్షల విలువైన 202.83 క్యారెట్ల వజ్రం బయటపడింది.
మరోవైపు ఏప్రిల్ 26న కర్ణాటకలోని 14 లోక్సభ స్థానాలకు ఎన్నికల ప్రచారం బుధవారం సాయంత్రంతో ముగిసింది. రాష్ట్రంలో మొత్తం 28 లోక్సభ స్థానాలు ఉన్నాయి.