భారతీయులు ఆహారానికి ఇచ్చే ప్రాధాన్యత దేనికి ఇవ్వరు.. ఇక వెరైటీ ఫుడ్ అంటే చాలు.. ఎంత దూరమైనా వెళతారు. ఇక వీకెండ్ వస్తే చాలు .. సిటీస్.. పెద్ద పెద్ద పట్టణాల్లో హోటల్స్.. రెస్టారెంట్లు బిజీ అవుతాయి. కొన్ని హోటల్స్ అయితే ఈవారం స్పెషల్ ఐటం అని రాస్తూ.. ఆ రోజు తయారు చేసిన వెరైటీ ఫుడ్ బోర్డ్ పెడతారు. ఇప్పుడు యూత్ పబ్ కల్చర్ కు కూడా అలవాటు పడిందనుకోండి.. అయితే అక్కడ మద్యం సేవిస్తే టచ్చింగ్ ఉండే ఐటమ్స్ వెరైటీ ఉండాలనుకుంటున్నారు. కొన్ని కొన్ని చూడటానికి.. వింటానికి బాగున్నా.. మరికొన్ని వింటేనే చాలు వాంతులు చేసుకుంటున్నారు.
కొంతమంది మద్యం సేవిస్తూ స్నాక్స్ లేక పోవడంతో కొత్త రకమైన వంటకాన్ని కనుగొన్నారు. సాధారణంగా పానీ పూరి( గోల్గప్ప)లో మసాలా నీరు (పానీ). ఆనియన్ నింపి లొట్టలేసుకుంటూ తింటారు, కాని ఇక్కడ పానీపూరిలో ... పానీ ని వాడలేదు. దాని స్థానంలో బీరు వాడారు. అంతే కాదు ఆ బీరు బాటిల్పై ఇది స్వచ్చమైన దేశీయ మద్యం అని రాసి ఉంది. పానీ పూరిని తినేటప్పుడు.. పూరీకి చిన్న రంధ్రం చేసి అందులో మసాలా పానీ.. ఆనియ, చిక్ పీస్, బాగా ఉడికిన మెత్తని బంగాళదుంపలు మిక్స్ చేసి తింటారు. కాని ఇక్కడ చిన్న రంధ్రం చేసి ఇవన్నీ పోయాల్సిన చోట మద్యం పోశారు. ఈ సీన్ కాస్త ఉల్లాసం కలిగేంచేందుకు బ్యాక్ గ్రౌండ్స్ లో హే ప్రభూ అంటూ మీమ్స్ కనిపించేలా సోషల్ మీడియాలో పోస్ట్ చేశారు. దీనిపై స్పందించిన నెటిజన్లు కొంతమంది ఎంజాయిమెంట్ కు దూరంగా ఉన్నారని ప్రత్యేకంగా చెప్పాల్సిన అవసరం లేదంటూ కామెంట్ చేశారు. మరికొంతమంది గోల్గప్ప( పూరీ), మద్యం రెంటిని వేస్ట్ చేస్తున్నారని రాసుకొచ్చారు. ఇంకొకరు జస్ట్ ఫన్నీగా ఎవరో కొంతమంది అబ్బాయిలు నీటిని పొదుపు చేసేందుకు ప్రయత్నం చేస్తున్నారని వ్యాఖ్యానించారు.
