గూగుల్ సెర్చ్ పేజీలో మీ పేరును సెర్చ్ చేసినప్పుడు సోషల్ మీడియా ప్రొఫైల్‌లు, ఫొటోలు వంటివి కనిపిస్తుంటాయి. అవి ప్రొఫెషన్ పరంగా అయితే ఓకే. కానీ, పర్సనల్ డాటా కూడా అందులో కనిపిస్తే? ప్రైవసీకి ఇబ్బంది కదా. అలా కనపడకూడదు అనుకుంటే గూగుల్ సెర్చ్ రిజల్ట్స్లో ఆ కంటెంట్ను డిలీట్ చేయొచ్చు. పర్సనల్ డాటాలో ఇంటి అడ్రెస్, ఫోన్ నెంబర్ లేదా ఇ–మెయిల్ అడ్రెస్ వంటి డీటెయిల్స్ ఈజీగా తీసేయొచ్చు. అయితే ఇప్పటికి ఈ టూల్ ఇండియాలో అందుబాటులో లేదు. కానీ, గూగుల్ ప్రొడక్ట్లు, సర్వీస్ల నుంచి చట్టవిరుద్ధమైన కంటెంట్ గురించి ఇండియన్ యూజర్లు రిపోర్ట్ చేయొచ్చు.
ఇలా కనిపెట్టొచ్చు
- గూగుల్ సెర్చ్ రిజల్ట్స్లో పర్సనల్ డాటాను కనిపెట్టాలంటే... గూగుల్ యాప్కి లాగిన్ అయ్యి, గూగుల్ అకౌంట్ అవతార్ (ప్రొఫైల్)ను క్లిక్ చేసి మెనూని ఓపెన్ చేయాలి. అక్కడ కనిపించే ‘రిజల్ట్స్ అబౌట్ యు’ అనే ఆప్షన్ సెలక్ట్ చేయాలి.
- మొబైల్ వెబ్ లేదా డెస్క్టాప్లో యూజర్లు తమ గూగుల్ అకౌంట్లకు లాగిన్ చేయొచ్చు. తర్వాత గూగుల్ అకౌంట్ అవతార్ మీద క్లిక్ చేయాలి.
- మేనేజ్ యువర్ గూగుల్ అకౌంట్లోకి వెళ్లి డాటా అండ్ ప్రైవసీ ఆప్షన్ సెలక్ట్ చేసుకోవాలి.
- హిస్టరీ సెట్టింగ్స్లోకి వెళ్లి ‘మై యాక్టివిటీ’లో అదర్ యాక్టివిటీని సెలక్ట్ చేసుకోవాలి.
- రిజల్ట్స్ అబౌట్ యు సెక్షన్ను కిందికి స్క్రోల్ చేస్తే మేనేజ్ రిజల్ట్స్ అబౌట్ యు ఆప్షన్ కనిపిస్తుంది. దాన్ని సెలక్ట్ చేసి, గెట్ స్టార్టెడ్ లేదా సెట్టింగ్స్ మీద క్లిక్ చేయాలి.
- సెర్చ్ రిజల్ట్స్లో పేరు, కాంటాక్ట్ డీటెయిల్స్ ఎంటర్ చేయాలి. ఈ డాటాను చూపించే సెర్చ్ రిజల్ట్స్ కోసం చెక్ చేయడానికి గూగుల్ ఇప్పుడు ఈ డాటానే వాడుతుంది. సెర్చ్ రిజల్ట్స్ ద్వారా డాటా సరిపోతే అప్ డేట్ అవ్వడానికి నోటిఫికేషన్ని ఎనేబుల్ చేయాలి. బ్రౌజర్లో నోటిఫికేషన్లు ఆన్లో ఉంటే సెర్చ్ రిజల్ట్స్ పేరు, పర్సనల్ డాటా ఒకేలా ఉంటే కొన్ని గంటల్లోనే నోటిఫికేషన్ వస్తుంది.
- రిజల్ట్స్ అబౌట్ యు పేజీ నుంచి కూడా డైరెక్ట్గా చెక్ చేయొచ్చు. రిజల్ట్స్ చూడ్డానికి రిజల్ట్స్ అబౌట్ యు పేజీ నుంచి రిజల్ట్స్ టు రివ్యూ ట్యాబ్కు వెళ్లాలి. సెర్చ్ రిజల్ట్స్ సెలక్ట్ చేసుకున్నప్పుడు వెబ్సైట్ లేదా దానిలోకి కాంటాక్ట్ ఇన్ఫర్మేషన్ వంటి వాటి గురించి మరింత తెలుసుకోవచ్చు.
రిమూవ్ చేయాలంటే..
- యూజర్లు పర్సనల్ డాటాకు సంబంధించిన యూఆర్ఎల్ కలిగి ఉంటే గూగుల్ సెర్చ్లో రిపోర్ట్ చేయొచ్చు.
- గూగుల్ సెర్చ్లో పేరు కోసం సెర్చ్ చేస్తే, అబౌట్ దిస్ రిజల్ట్ ప్యానెల్ కనిపిస్తుంది. దాన్ని ఓపెన్ చేసి, రిజల్ట్స్ దగ్గర మోర్ (మూడు చుక్కలు) మీద క్లిక్ చేయాలి.
- అప్పుడు ఇట్ షోస్ మై పర్సనల్ కాంటాక్ట్ ఇన్ఫో కనిపిస్తుంది. అందులో రిమూవ్ రిజల్ట్ ఆప్షన్ సెలక్ట్ చేయాలి. తర్వాత రిపోర్టింగ్ ఫ్లో ద్వారా వెళ్లి, రిక్వెస్ట్ను సబ్మిట్ చేయాలి. తర్వాత ‘ఐయామ్ డన్’ అనే ఆప్షన్ మీద క్లిక్ చేయాలి.
రిమూవ్ చేయడానికి రిక్వెస్ట్
పర్సనల్ డాటాను ప్రైవేట్గా ఉంచాలనుకుంటే సెర్చ్ రిజల్ట్స్ నుంచి తొలగించమని రిక్వెస్ట్ చేయొచ్చు. ఇక రిజల్ట్ డిలీట్ చేయడానికి రిక్వెస్ట్ టు రిమూవ్ రిజల్ట్స్ ఎంచుకోవాలి. ఒకటి కన్నా ఎక్కువ రిజల్ట్స్ తొలగించడానికి ప్రతి రిజల్ట్ పక్కన ఉన్న చెక్ బాక్స్ని సెలక్ట్ చేయాలి. డాటా రిమూవ్ రిక్వెస్ట్ వద్దనుకుంటే.. మార్క్ యాజ్ రివ్యూవ్డ్ అనే ఆప్షన్ సెలక్ట్ చేసుకోవచ్చు.
గూగుల్ కొన్ని సెర్చ్ రిజల్ట్స్ విలువైనవిగా పరిగణిస్తుంది. అందులో గవర్నమెంట్ లేదా ఎడ్యుకేషనల్ వెబ్సైట్లు, ఆన్లైన్ న్యూస్ పేపర్స్ లేదా బిజినెస్ వెబ్సైట్స్ ఉండొచ్చు. ఇలాంటి వెబ్సైట్ నుంచి సెర్చ్ రిజల్ట్స్ వస్తే, రిమూవ్ రిజల్ట్ ఆప్షన్ కనిపించదు. రిమూవల్ రిక్వెస్ట్ కన్ఫామ్ చేయడం రిక్వెస్ట్ రివ్యూ స్టేటస్ వంటి అప్డేట్స్ ఇ–మెయిల్కి వస్తాయి. రిమూవల్ రిక్వెస్ట్స్ కింద రిజల్ట్స్ అబౌట్ యు నుంచి ఎప్పుడైనా రిక్వెస్ట్ స్టేటస్ చెక్ చేయొచ్చు.
