పుదుచ్చేరి లెఫ్టినెంట్ గవర్నర్‌గా తెలంగాణ గవర్నర్ తమిళిసై అదనపు బాధ్యతలు స్వీకరించారు. ఆమె చేత రాజ్ నివాస్‌లో మద్రాస్ హైకోర్టు చీఫ్ జస్టిస్ ప్రమాణం చేయించారు. ఈ ప్రమాణస్వీకార కార్యక్రమానికి పుదుచ్చేరి సీఎం నారాయణస్వామి, మాజీ సీఎం రంగస్వామి, పలువురు మంత్రులు, అధికారులు పాల్గొన్నారు. పుదుచ్చేరి చరిత్రలో మొదటసారిగా తమిళ్ మాట్లాడే వ్యక్తి గవర్నర్‌గా నియమితులయ్యారు. కిరణ్ బేడీని గవర్నర్ పదవి నుంచి తొలగించడంతో.. నూతన గవర్నర్‌గా తమిళిసైను నియమించారు. తమిళిసై ఇప్పటికే తెలంగాణకు గవర్నర్‌గా పనిచేస్తున్నారు.
పుదుచ్చేరి గవర్నర్‌గా బాధ్యతలు స్వీకరించినందుకు చాలా సంతోషంగా ఉందని తమిళిసై అన్నారు. ‘నా మాతృభాషలో ప్రమాణ స్వీకారం చేసినందుకు గర్వంగా మరియు సంతోషంగా ఉంది’ అని ఆమె ట్వీట్ చేశారు.
Felt Proud & Happy to take the Oath of Office in My mother tongue – Tamil as the #LieutenantGovernor of #Puducherry at #RajNivas today In the Presence of Honble Chief Justice of Madras High Court ,Honble CM ,Ex CM,Cabinet Colleagues Legislators, Senior Officials & Public. pic.twitter.com/lLXPlFgBkL
— Dr Tamilisai Soundararajan (@DrTamilisaiGuv) February 18, 2021
For More News..
