మనవళ్లు, మనవరాళ్లకి గ్రాండ్ పేరెంట్స్ బోలెడు బహుమతులు ఇస్తుంటారు. అయితే ఇక్కడ ఓ మనవరాలు తన అమ్మమ్మ కోసం ప్రేమగా
ఒక కానుక తీసుకొచ్చింది. ఆ సర్ప్రైజ్ గిఫ్ట్ ఇప్పుడు సోషల్ మీడియాలో హాట్ టాపిక్ అయ్యింది. గిఫ్ట్ చూశాక ఆ బామ్మ ఇచ్చిన క్యూట్ ఎక్స్ప్రెషన్స్కి నెటిజన్స్ ఫిదా అవుతున్నారు.
ఇంతకీ ఆ బాక్స్లో ఏముందంటే..
బార్బీ డాల్. బార్బీ గిఫ్ట్ బామ్మకా?! అని ఆశ్చర్యపోకండి. బ్రెజిల్ అనే ఈ బామ్మకి బార్బీలంటే భలే ఇష్టమట. చిన్నప్పట్నించీ వాటిని కొనుక్కోవాలని ఆశ కూడా. కానీ, ఏవేవో కారణాల వల్ల ఇప్పటివరకు ఆ కోరిక తీరలేదు. బామ్మ ఇష్టాన్ని గమనించిన తన మనవరాలు ఇలా బార్బీ గిఫ్ట్ ఇచ్చి సర్ప్రైజ్ చేసింది. ఆ బార్బీ డాల్ చూడగానే బామ్మ సంతోషంతో గంతులేసింది. బార్బీని ముద్దాడుతూ మనవరాలుకి థ్యాంక్యూ చెప్పింది. ఆ సర్ప్రైజ్ని 41 సెకన్ల వీడియోలో క్యాప్చర్ చేసి సోషల్ మీడియాలో పోస్ట్ చేసింది ఆ మనవరాలు. అది చూసిన నెటిజన్స్ బామ్మ హ్యాపీనెస్ చూసి ఫుల్ ఖుష్ అవుతున్నారు.
