స్పీడ్‌‌‌‌‌‌‌‌గా సినిమాలు చేసే హీరోల్లో రవితేజ ముందు వరుసలో ఉంటాడు. అలాగే యంగ్ డైరెక్టర్స్‌‌‌‌‌‌‌‌కు అవకాశాలు ఇచ్చే హీరోల్లోనూ టాప్‌‌‌‌‌‌‌‌లో ఉంటాడు. ప్రస్తుతం ఆయన హరీష్ శంకర్ దర్శకత్వంలో ‘మిస్టర్ బచ్చన్’ చిత్రంతో పాటు భాను భోగవరపు డైరెక్షన్‌‌‌‌‌‌‌‌లో ఓ మూవీ చేస్తున్నాడు. ఈ రెండు సినిమాల షూటింగ్స్‌‌‌‌‌‌‌‌తో బిజీగా ఉన్న రవితేజ.. తాజాగా మరో మూవీకి గ్రీన్ సిగ్నల్ ఇచ్చాడని తెలుస్తోంది.
‘హనుమాన్’తో సూపర్ సక్సెస్‌‌‌‌‌‌‌‌ను అందుకున్న ప్రశాంత్ వర్మ దర్శకత్వంలో నటించనున్నాడట. రీసెంట్‌‌‌‌‌‌‌‌గా ప్రశాంత్ చెప్పిన కథకు రవితేజ ఇంప్రెస్ అయ్యాడని, వెంటనే ఈ చిత్రానికి ఓకే చెప్పాడని టాక్ వినిపిస్తోంది. ‘హనుమాన్’ సినిమాలో కోతికి రవితేజ వాయిస్ ఓవర్ ఇచ్చిన సంగతి తెలిసిందే. అయితే ప్రశాంత్ చెప్పింది ‘హనుమాన్2 ’ కథ అని కొందరు అంటుంటే, దానికి సంబంధం లేదని, ఇదొక మాస్ స్టోరీ అని మరికొందరు చెబుతున్నారు. ఈ కాంబినేషన్‌‌‌‌‌‌‌‌పై అధికారిక ప్రకటన రావాల్సి ఉంది.
