- సెలియాక్ వ్యాధిగ్రస్తులు తింటే.. చిన్నపేగులకు దెబ్బ
- నాసిరకం ముడిపదార్థాలతో తయారీ
- రస్క్ రంగు, రుచి, నిల్వ కోసం కెమికల్స్ వాడకం
చాయ్, రస్క్ కాంబినేషన్చాలామందికి ఇష్టం. బ్రేక్ ఫాస్ట్, ఈవినింగ్ స్నాక్స్ టైంలో ఈ కాంబినేషన్ అదుర్స్ అని ఫుడ్ లవర్స్ చెబుతుంటారు. కొంతమందైతే వేళాపాళా లేకుండా టీ తాగినప్పుడల్లా రస్క్ ఉండాల్సిందేనని అంటుంటారు. అయితే రస్క్ లో దాగిన రిస్క్ గురించి.. దాన్ని తినడం వల్ల ఆరోగ్యంపై ఎలాంటి ప్రభావం పడుతుందనేది ఆలోచించరు. రస్క్ తినడం వల్ల వివిధ ఆరోగ్య సమస్యలు ముసురుకునే ముప్పు ఉంటుందని పలువురు వైద్య నిపుణులు హెచ్చరిస్తున్నారు. టేస్టీ రస్క్.. హెల్త్ కు రిస్క్ గా ఎలా మారుతోందో ఇప్పుడు తెలుసుకుందాం..
ఎండిపోయిన బ్రెడ్ ముక్కలు
కొన్ని బేకరీల్లో ఎండిపోయిన బ్రెడ్ ముక్కలతోనూ రస్క్లు తయారు చేస్తుంటారని మరో స్టడీ రిపోర్ట్ చెబుతోంది. ఎండిపోయిన బ్రెడ్ పై వ్యాధికారకాలు, బూజు, ఫంగస్ వంటివి పేరుకుపోయి ఉండే అవకాశం ఉందని.. అటువంటి వాటితో తయారుచేసే రస్క్ మన హెల్త్ కు రిస్క్ ఫుల్ అని ఆ నివేదికలో పేర్కొన్నారు. ఫలితంగా అతిసారం, ఫుడ్ పాయిజనింగ్, మలబద్ధకం వంటి వాటి బారినపడే ముప్పు ఉంటుందని తెలిపారు.
బొంబాయి రవ్వ కాదు.. మైదాపిండితో..
వాస్తవానికి రస్క్ తయారీకి బొంబాయి రవ్వను వాడాలి. కానీ మైదా పిండిని ఎక్కువ మోతాదులో, బొంబాయి రవ్వను అతి తక్కువ మోతాదులో కలిపి బేకరీల్లో రస్క్ను తయారు చేస్తుంటారు. చాలా బేకరీల నిర్వాహకులు లాభాలను పెంచుకునేందుకు ఇలా చేస్తుంటారు. అందుకే రస్క్ తిన్నాక.. జీర్ణం కావడానికి ఎక్కువ టైం పడుతుంది. అంతేకాకుండా శరీర బరువు పెరిగేందుకు కారణమవుతుంది.
రంగు మాటున రిస్క్
రస్క్కు ఉండే రంగు లో కూడా రిస్కు దాగి ఉంది. దానికి ఆ రంగు వచ్చేలా చేయడానికి క్యారమెల్ రంగును లేదా బ్రౌన్ఫుడ్ కలర్ ను వాడుతారు. ఇది మన ఆరోగ్యానికి చేటు చేస్తుంది. మైదాతో తయారు చేసే రస్క్ను.. గోధుమపిండితో తయారు చేసినట్టుగా లుక్ ఇచ్చి ఫుడ్ లవర్స్ను అట్రాక్ట్ చేసేందుకు పిండిలో రంగును కలుపుతారు.
షెల్ఫ్ లైఫ్ కోసం కెమికల్స్
రస్క్ ఎక్కువ కాలం పాటు నిల్వ ఉండేందుకు అందులో కొన్ని కెమికల్స్ వాడుతారు.
చీప్ ఆయిల్
రస్క్ తయారీకి రిఫైన్డ్ ఆయిల్ ను వాడే బేకరీలు తక్కువే ఉంటాయి. చాలాచోట్ల నాసిరకం నెయ్యి లేదా పామాయిల్స్ ను వాడుతుంటారు. మన శరీర టెంపరేచర్ వద్ద గడ్డకట్టే గుణం కలిగిన ఇటువంటి తక్కువ రకం ఆయిల్తో తయారు చేసే రస్క్ను తింటే గుండెపై దెబ్బ పడుతుంది. రక్తనాళాల్లో రక్తం గడ్డకట్టుకుపోయే ముప్పు పెరుగుతుంది.
సెలియాక్ వ్యాధిగ్రస్తులూ పారా హుషార్
గ్లూటెన్ అనేది బియ్యం, గోధుమలు వంటి ధాన్యాల్లో ఉండే ప్రొటీన్. రస్క్లో ఇది చాలా ఎక్కువ మోతాదులో ఉంటుంది. సెలియాక్(celiac) అనేది ఆటో ఇమ్యూన్ వ్యాధి. దీని బాధితులు గ్లూటెన్ ఎక్కువున్న ఫుడ్స్ తీసుకోవడం మంచిదికాదు. ఒకవేళ సెలియాక్ వ్యాధిగ్రస్తులు రస్క్ తింటే చిన్నపేగులు దెబ్బతినే ముప్పు ఉంటుందని వైద్య నిపుణులు చెబుతున్నారు.
రస్క్ను తిని తీరాలని భావిస్తే ..
100 శాతం గోధుమ లేదా బొంబాయి రవ్వతో తయారు చేసిన రస్క్ను తినాలని వైద్య నిపుణులు సూచిస్తున్నారు. రస్క్ ప్యాకెట్లను కొనే ముందు లేబుల్స్ ను, ఎక్స్ పైరీ డేట్ను చెక్ చేసుకోవాలని చెబుతున్నారు.
ఫుల్లు షుగర్
రస్క్లో తియ్యదనం రావడానికిగానూ.. దాని తయారీకి రిఫైన్డ్ షుగర్ను పెద్దమొత్తంలో వాడుతా రు. ఇది మన ఆరోగ్యానికి హాని చేస్తుంది. ఫుల్లుగా షుగర్ ఉండే రస్క్ను మితిమీరి తింటే రక్తంలో షుగర్ లెవల్స్ పెరిగిపోతాయని వైద్య నిపుణులు అంటున్నారు. చివరకు ఇది డయాబెటిస్ వ్యాధికి కూడా దారితీస్తుందని వార్నింగ్ ఇస్తున్నారు.
చాయ్, రస్క్ కాంబినేషన్చాలామందికి ఇష్టం. బ్రేక్ ఫాస్ట్, ఈవినింగ్ స్నాక్స్ టైంలో ఈ కాంబినేషన్ అదుర్స్ అని ఫుడ్ లవర్స్ చెబుతుంటారు. కొంతమందైతే వేళాపాళా లేకుండా టీ తాగినప్పుడల్లా రస్క్ ఉండాల్సిందేనని అంటుంటారు. అయితే రస్క్ లో దాగిన రిస్క్ గురించి.. దాన్ని తినడం వల్ల ఆరోగ్యంపై ఎలాంటి ప్రభావం పడుతుందనేది ఆలోచించరు. రస్క్ తినడం వల్ల వివిధ ఆరోగ్య సమస్యలు ముసురుకునే ముప్పు ఉంటుందని పలువురు వైద్య నిపుణులు హెచ్చరిస్తున్నారు. టేస్టీ రస్క్.. హెల్త్ కు రిస్క్ గా ఎలా మారుతోందో ఇప్పుడు తెలుసుకుందాం..
ఎక్కువ తింటే..
రస్క్ను ఎక్కువగా తినేవారికి పెద్దపేగులో అల్సర్లు వచ్చే చాన్స్ ఉంటుంది. కడుపులో గ్యాస్ రావడం, అజీర్తి, మలబద్ధకం వంటి సమస్యలు చుట్టుముట్టొచ్చు. రస్క్ లో కార్బోహైడ్రేట్స్ అత్యధిక మోతాదులో ఉంటాయి. అమెరికాకు చెందిన ప్రఖ్యాత ‘మాయో క్లినిక్ మెడికల్ జర్నల్’ లో ఇటీవల ప్రచురితమైన ఒక స్టడీ రిపోర్ట్ ప్రకారం.. బ్రెడ్ కంటే రస్క్లో ఎక్కువ క్యాలరీ లెవల్స్ ఉంటాయి. 100 గ్రాముల రస్క్ లో దాదాపు 407 కిలోక్యాలరీస్ ఉంటాయి. ఇక ఇదే సమయంలో వైట్ బ్రెడ్ లో 281 కిలో క్యాలరీస్ మాత్రమే ఉంటాయి. రస్క్ ను ఒకవేళ పాలతో తింటే మన శరీరంలో ట్రై గ్లిజరాయిడ్స్ మోతాదులు పెరుగుతాయి. ఫలితంగా మన జీర్ణక్రియలు గాడితప్పుతాయి. ఇది చివరకు ఒబెసిటీ, హృద్రోగ సమస్యలకు దారితీసే అవకాశం కూడా ఉంటుందని అంటున్నారు.