ఆరోగ్యంగా ఉండేందుకు, బరువు తగ్గడానికి ఎక్సర్సైజ్తో పాటు డీటాక్స్ వాటర్ కూడా తాగడం ముఖ్యం అంటున్నారు న్యూట్రిషనిస్ట్లు. ఈ నీళ్లలో యాంటీ ఆక్సిడెంట్స్ ఉంటాయి. ఇవి శరీరంలోని చెడు పదార్థాల్ని బయటకు పంపడమే కాకుండా మెటబాలిజం వేగంగా జరిగేలా చేస్తాయి. ఈ వాటర్ తాగితే క్యాలరీలు ఎక్కువ కరిగి, ఈజీగా బరువు తగ్గుతారు. వంట గదిలో ఉండే అల్లం, కీరదోస, తులసి, నిమ్మకాయ, కొన్నిరకాల పండ్లతో ఇంటి దగ్గరే డీటాక్స్ వాటర్ తయారుచేసుకోవచ్చు.
కీరదోస, నిమ్మకాయ, పుదీనాతో...
కావాల్సినవి: కీరదోస– సగం ముక్క, నిమ్మకాయ– ఒకటి, పుదీనా ఆకులు– కొన్ని
తయారీ: కీరదోస, నిమ్మకాయను ముక్కలుగా కోయాలి. పెద్ద గాజు గ్లాస్లో నీళ్లు తీసుకొని అందులో వీటిని వేయాలి. శుభ్రంగా కడిగిన పుదీనా ఆకుల్ని కూడా వేయాలి. ఆ గ్లాస్ని రాత్రంతా ఫ్రిజ్లో పెట్టాలి. అంతే డీటాక్స్ వాటర్ రెడీ. ఈ నీళ్లు తాగితే శరీరంతో పాటు స్కిన్ కూడా హెల్దీగా ఉంటుంది.
అల్లం, పుదీనా, నిమ్మకాయ
కావాల్సినవి: అల్లం ముక్కలు (పొట్టు తీసినవి)– రెండు, నిమ్మకాయలు– రెండు, పుదీనా ఆకులు– కొన్ని, హిమాలయన్ సాల్ట్ (రాతి ఉప్పు)– చిటికెడు.
తయారీ: ఒక గ్లాస్ నిండా నీళ్లు తీసుకోవాలి. నిమ్మకాయను రెండు ముక్కలు చేసి అందులో వేయాలి. అల్లం, పుదీనా, హియాలయన్ సాల్ట్ కూడా వేసి కలపాలి. ఈ నీళ్లు తాగితే మెటబాలిజం బాగా జరుగుతుంది. అల్లంలోని యాంటీ ఇన్ఫ్లమేటరీ గుణాలు గొంతు ఇన్ఫెక్షన్ని తగ్గిస్తాయి.
Also Read :- Health Tips : ముఖానికి తేనె పెట్టారంటే.. నిగనిగలాడిపోతారు
పియర్, తులసి, నిమ్మకాయతో...
కావాల్సినవి: పియర్– కొన్ని, ఆరెంజ్ జ్యూస్– సగం కప్పు, తులసి ఆకులు– నాలుగైదు, నిమ్మకాయ ముక్కలు– రెండు, ఐస్ వాటర్– సరిపోను.
తయారీ: ఒక గ్లాస్లో ఐస్ వాటర్ తీసుకోవాలి. అందులో ఆరెంజ్ జ్యూస్, పియర్, నిమ్మకాయ ముక్కలు వేయాలి. ఈ గ్లాస్ని పది గంటలు అలాగే ఉంచితే డీటాక్స్ వాటర్ రెడీ.
బ్లూ బెర్రీ, నిమ్మకాయతో...
కావాల్సినవి:
నిమ్మకాయ ముక్కలు– మూడు, బ్లూ బెర్రీలు (కోసినవి)– నాలుగైదు. నీళ్లు– పావు లీటర్.
తయారీ: గ్లాస్లో పావు లీటర్ నీళ్లు తీసుకొని అందులో నిమ్మకాయ, బ్లూ బెర్రీలు ముక్కలు వేయాలి. కొంచెం సేపు అలాగే ఉంచితే డీటాక్స్ వాటర్ తయారవుతుంది. ఈ నీళ్లలోని యాంటీ ఆక్సిడెంట్స్ బరువు తగ్గడంలో సాయపడతాయి.
పుచ్చకాయ, కీరదోస డ్రింక్
కావాల్సినవి: పుచ్చకాయ ముక్కలు– ఒక కప్పు, నిమ్మరసం, ఆరెంజ్ జ్యూస్– సగం కప్పు, నిమ్మకాయ- – ఒకటి ఆరెంజ్ ముక్కలు, కీరదోస ముక్కలు– ఐదు.
తయారీ: ఒక సీసాలో పుచ్చకాయ ముక్కలు, నిమ్మరసం, ఆరెంజ్ జ్యూస్, కీరదోస ముక్కలు వేసి మూత పెట్టాలి. ఈ డీటాక్స్ వాటర్ని గ్లాసులో పోసి, నిమ్మకాయ, ఆరెంజ్ ముక్కతో గార్నిష్ చేసుకోవాలి.
సోంపు, యాపిల్ డ్రింక్
కావాల్సినవి: సోంపు గింజలు– కొన్ని, యాపిల్– ఒకటి, నిమ్మకాయ ముక్కలు– ఐదు. నీళ్లు– పావులీటర్.
తయారీ: యాపిల్ని ముక్కలుగా కోసి గింజలు తీసెయ్యాలి. తర్వాత ఒక సీసాలో నీళ్లు తీసుకుని అందులో యాపిల్ ముక్కలు, సోంపు, నిమ్మకాయ ముక్కలు వేసి మూత పెట్టాలి. కొంచెం సేపటికి డీటాక్స్ వాటర్ రెడీ అవుతుంది.
