హెల్దీగా ఉండాలి.. ఫిట్గా కనిపించాలని రకరకాల డైట్లు ఫాలో అవుతుంటారు చాలామంది. ఆ డైట్ లిస్ట్లో ఈ మధ్య ఎక్కువగా వినిపిస్తుంది కీటో డైట్. దీన్నే కీటోజెనిక్ డైట్ అని కూడా పిలుస్తారు. అయితే ఈ కీటో డైట్ ఆరోగ్యానికి అంత మంచిది కాదంటున్నారు ఎక్స్పర్ట్స్. మరికొన్ని డైట్లకి కూడా దూరంగా ఉండమని చెప్తున్నారు. ఎందుకంటే.. కీటో డైట్లో కార్బో హైడ్రేట్స్ తక్కువగా, ఫ్యాట్స్ ఎక్కువగా ఉంటాయి. ఈ డైట్ ఫాలో అవ్వడం వల్ల శరీరానికి సరిపడా కార్బోహైడ్రేట్స్ అందక బాడీ కీటోసిస్ స్టేజ్లోకి వెళ్లిపోతుంది. ఫలితంగా బాడీలోని ఫ్యాట్ అంతా కరిగి బరువు తగ్గుతారు. కానీ, ఫ్యాట్ ఎక్కువ మొత్తంలో నెలలు తరబడి తీసుకోవడం వల్ల కిడ్నీపై ఒత్తిడి పెరుగుతుంది. ఫలితంగా కిడ్నీ సమస్యలొస్తాయి. బాడీలో కొలెస్ట్రాల్ లెవల్స్ కూడా పెరుగుతాయి. అందువల్ల ఎక్కువ రోజులు కీటో డైట్ చేయడం మంచిది కాదు. పైగా కీటో డైట్ మానేశాక శరీరానికి సరిపడా కార్బోహైడ్రేట్స్ అందితే మళ్లీ బరువు పెరుగుతారు. కేవలం ఈ ఒక్క డైటే కాదు జిఎమ్, మాస్టర్ క్లీన్స్ డైట్లు కూడా ఆరోగ్యానికి చాలా హాని చేస్తాయి. జిఎమ్ డైట్లో ఏడురోజుల పాటు ధాన్యాలు, పాల ఉత్పత్తులు, ప్రాసెస్డ్ ఫుడ్, రిఫైండ్ షుగర్, సీ ఫుడ్కి దూరంగా ఉండాలి. ఫలితంగా వారానికి కిలో చొప్పున తగ్గుతారు. కానీ, వారం రోజుల పాటు బాడీకి ప్రొటీన్లు, విటమిన్లు అందక చాలా సమస్యలొస్తాయి. మాస్టర్ క్లీన్స్ డైట్లో రోజంతా నిమ్మరసం తాగుతుండాలి. దీనివల్ల బాడీలో డిటాక్సిఫికేషన్ జరిగి బరువు తగ్గుతారు. అంతేకాదు హానికర టాక్సిక్స్ కూడా బాడీ నుంచి బయటికి వెళ్తాయి. కానీ, రోజంతా నిమ్మరసం తాగడం వల్ల తలనొప్పి, అలసట, చిరాకు, మలబద్ధకం సమస్యలొస్తాయి. అందువల్ల ఈ డైట్కి దూరంగా ఉండటం మంచిది. అలాగే న్యూట్రిషనిస్ట్ సలహా మీదే ఏ డైట్ అయినా ఫాలో అవ్వాలి.
