తేనెటీగ కుడితే ఎవరికైనా మస్తు నొప్పయితది. మరీ గుంపులుగా వచ్చి కుడితే, ఒళ్లంతా వాటి ముండ్లు గుచ్చుకుపోయి ఉంటే హాస్పిటల్కు పోవాల్సి వస్తది. విషం మరీ ఎక్కువగా శరీరంలోకి చేరితే చాలా అరుదుగా మాత్రమే ప్రాణాల మీదకు వస్తది. కానీ.. మహారాష్ట్రలోని నవీ ముంబైలో మాత్రం ఓ రైతు గుండె ఫెయిలైపోయింది! కుట్టింది కూడా ఒకే ఒక్క తేనెటీగ. గుండె మార్పిడి చేసుకోవాల్సిన పరిస్థితి వచ్చింది! తమకు తెలిసినంతవరకూ ఇలా తేనెటీగ కుట్టడం వల్ల గుండె మార్పిడి జరిగిన తొలి కేసు ఇదేనని అక్కడి డాక్టర్లు చెబుతున్నారు. ఆశ్చర్యం కలిగించే ఈ సంఘటన వెనక పెద్ద స్టోరీయే ఉంది.
ఒక్క తేనెటీగ వల్లే…
ఆ రైతు పేరు రాజీవ్ వాఘ్మేర్. ఉండేది నవీ ముంబై సమీపంలోని అహ్మద్నగర్. అతడు 2017 జూన్లో ఒకరోజు పొలంలో పని చేసుకుంటుండగా ఎక్కడి నుంచో వచ్చిన ఒక తేనెటీగ కుట్టింది. నొప్పి అయినా అతడు పెద్దగా పట్టించుకోలేదు. కొన్ని రోజులు గడిచిపోయాయి. ఉన్నట్టుండి ఒకరోజు అతడికి ఛాతీలో తీవ్ర నొప్పి వచ్చింది. దీంతో అహ్మద్నగర్లోని ఓ డాక్టర్ దగ్గరకు వెళ్లగా గుండె దగ్గర ఓ ధమని పూడుకుపోయినట్లు యాంజియోగ్రామ్‌లో తేలింది. డాక్టర్ మందులు ఇచ్చి ఇంటికి పంపాడు. కానీ.. కొన్ని రోజులకు మళ్లీ గుండె నొప్పి వచ్చింది. ఈసారి పుణేలోని ఓ హాస్పిటల్కు వెళ్లాడు. గుండె ధమని 50% పూడుకుపోయినట్లు తేలింది. అక్కడా మందులు ఇచ్చి ఇంటికి పంపారు. కొన్నిరోజులకు ప్రాబ్లం మళ్లీ స్టార్టయింది. దీంతో నవంబరు 2017లో ముంబైలోని ఓ హాస్పిటల్కు వెళ్లగా డాక్టర్లు యాంజియోప్లాస్టీ చేశారు. మళ్లీ మళ్లీ సమస్య రావడంతో మళ్లీ మళ్లీ యాంజియోప్లాస్టీ చేశారు. అయినా గుండె వీక్అయిపోయింది. రాజీవ్చివరకు ఈ ఏడాది జనవరిలో బేలాపూర్లోని అపోలో హాస్పిటల్కు వెళ్లాడు.
లక్కీగా గుండె దొరికింది
బేలాపూర్ హాస్పిటల్కు వచ్చేనాటికి అతడి గుండె ఆర్టరీ 70% పూడుకుపోయింది. గుండె 20% మాత్రమే పనిచేస్తోంది. మామూలు పనులు కూడా చేసుకోలేకపోతున్నాడు. ఇక గుండె మార్పిడి తప్ప వేరే మార్గం లేదని డాక్టర్లు తేల్చేశారు. గుండె దాత కోసం వెతకగా.. లక్కీగా కొన్ని రోజులకే ఒక బ్రెయిన్ డెడ్పేషెంట్ గుండె సూటయింది. పోయిన నెల 27న ఆపరేషన్సక్సెస్అయింది. కొత్త గుండెతో రాజీవ్వాఘ్మేర్ సమస్య తీరింది. ప్రస్తుతం అతడు కోలుకుంటున్నాడని, కొత్త గుండె బాగా పనిచేస్తోందని అతడికి ఆపరేషన్ చేసిన డాక్టర్ సంజీవ్ జాదవ్ వెల్లడించారు. తేనెటీగ కుట్టడం వల్ల అతడికి ఎండ్–స్టేజ్ హార్ట్ డిసీజ్(ఇష్కీమిక్‌ కార్డియోమయోపతీ) వచ్చినట్లు నిర్ధారణ అయిందని, దీనివల్ల అతడి గుండెకు చెందిన ఓ ఆర్టరీ అనేక చోట్ల పూడుకుపోయిందని ఆయన తెలిపారు. ఇంత చిన్న వయసులో ఇలా ఒక్క తేనెటీగ కుట్టడం వల్ల ఈ సమస్య రావడం అనేది తాము ఇంతవరకూ చూడలేదని ఆయన ఆశ్చర్యం వ్యక్తం చేశారు.
