సూరత్: ఆడుతూపాడుతూ గడిపే వయసులోనే ఆ చిన్నారి ఆధ్యాత్మికం వైపు అడుగులేసింది. వందల కోట్ల ఆస్తికి వారసురాలైనప్పటికీ అన్నీ వదిలేసి తొమ్మిదేళ్లకే సన్యాసిగా మారింది. చిన్నతనం నుంచే మతాచారాలపై ఆసక్తితో జైన సన్యాస దీక్ష తీసుకుంది. గుజరాత్లోని సూరత్కు చెందిన వజ్రాల వ్యాపారి ధనేష్, అమీబెన్ దంపతుల కూతురు దేవాన్షి ఈ దీక్ష తీసుకుంది. బుధవారం సూరత్లోని వెసు ప్రాంతంలో జైనాచార్య కీర్తియాశ్సూరి సమక్షంలో ఆ చిన్నారి దీక్ష స్వీకరించింది. ఈ కార్యక్రమాన్ని చూసేందుకు వేలాది మంది తరలివచ్చారు.
