న్యూఢిల్లీ : దెబ్బతిన్న హెలికాప్టర్ను మరో చాపర్ తో తరలిస్తుండగా, బరువు ఎక్కువై మధ్యలోనే వదిలేశారు. దీంతో వేలాది అడుగుల పైనుంచి హెలికాప్టర్ కిందపడి ముక్కలైంది. కేదార్నాథ్లో ఇటీవల ఓ ప్రైవేట్ హెలికాప్టర్ ఖరాబైంది. దాన్ని రిపేర్ కోసం గౌచర్ తరలించాలని ఎయిర్ ఫోర్స్కు చెందిన ఎంఐ17 చాపర్ తెచ్చారు. ఇనుప తాళ్లతో కట్టి తీసుకెళ్లే ప్రయత్నం చేశారు.
బరువు ఎక్కువ కావడంతో బయల్దేరిన కాసేపటికే ఎంఐ 17 చాపర్ బ్యాలెన్స్ తప్పింది. దీంతో హెలికాప్టర్ను వదిలేయగా మందాకిని నదిలో పడి ముక్కలైంది. బరువు ఎక్కువ కావడం వల్ల హెలికాప్టర్ను తరలించడం కుదరలేదని.. ఎవరూ లేనిచోట పైలెట్ దాన్ని జారవిడిచారని ఎయిర్ ఫోర్స్ తెలిపింది.
