ఇంట్లోనే ఇమ్యూనిటీ పెంచుకోండి

ఒక పక్క చలికి దగ్గు, జలుబు, రకరకాల ఇన్ఫెక్షన్లు, అలర్జీలు. మరో వైపు కరోనా థర్డ్​ వేవ్.  ఇలాంటి పరిస్థితుల్లో ఒత్తిడి సహజం. కానీ, భయపడుతూ కూర్చుంటే సమస్య పెరుగుతుందే తప్ప తగ్గదు. అందుకే ఈ సిచ్యుయేషన్స్​ని ఎదుర్కోవడానికి మనల్ని మనం సిద్ధం చేసుకోవాలి.  మైండ్​తో పాటు బాడీని  ప్రిపేర్ చేసుకోవాలి.  అంటే ఇమ్యూనిటీ సిస్టమ్​ని బూస్ట్​ చేసుకోవాలి అంటున్నారు జిందాల్ నేచర్​ క్యూర్​ ఇని​స్టిట్యూట్​ చీఫ్​ డైటీషియన్​ సుష్మ పిఎస్​. అందుకోసం కొన్ని టిప్స్​ చెప్తున్నారామె. ఇమ్యూనిటీ గట్టిగా ఉంటే మనం ఆరోగ్యంగా ఉన్నట్టే.. ఒకవేళ చిన్నాచితకా హెల్త్​ ఇష్యూస్​ వచ్చినా అవి బాడీని పెద్దగా ఎఫెక్ట్​ చేయలేవు. అందుకే ఇమ్యూనిటీ సిస్టమ్​ని స్ట్రాంగ్​ చేసుకోవాలి. అందుకోసం బ్యాలెన్స్డ్​ ​ డైట్​ని ఫాలో అవ్వాలి. అయితే ఇమ్యూనిటీ అనగానే బెర్రీస్​, చియా, సన్​ఫ్లవర్​  సీడ్స్​​ లాంటివే అనుకుంటారు. కానీ, వంటింట్లోనూ ఇమ్యూనిటీ బూస్టర్స్​ ఉన్నాయి. మనం రోజూ తినే వంటకాలు, దేశవాళీ  ఫ్రూట్స్, వెజిటబుల్స్​తో పాటు ప్రొటీన్​, విటమిన్​– సి, డి, ఇ, జింక్​, ఐరన్​ ఎక్కువగా ఉండే ఫుడ్స్​ అన్నీ ఇమ్యూనిటీ బూస్టర్సే. 

ప్రొటీన్​ రిచ్​ 
మనిషి శరీరానికి చాలా ముఖ్యమైనది     ప్రొటీన్​. ఇది బాడీలో బిల్డింగ్ బ్లాక్​లా పనిచేసి డ్యామేజ్ అయిన సెల్స్​ని రిపేర్​ చేస్తుంది. అందుకే ప్రతిరోజూ శరీర బరువుని బట్టి (కిలోకి 0.8 గ్రాముల చొప్పున)  ప్రొటీన్​ తీసు కోవాలి. ఇప్పుడున్న కొవిడ్ పరిస్థితుల్లో ఆ ప్రొటీన్​ క్వాంటిటీని పెంచాల్సిందే. అందుకోసం చికెన్, చేపలు, కోడిగుడ్లతో పాటు బీన్స్, నట్స్,  చిరుధాన్యాల్ని డైట్​లో చేర్చాలి. అలాగే ప్రతిరోజూ మిల్క్​ ప్రొడక్ట్స్​ని ఏదో ఒక రూపంలో తీసుకోవాలి.

విటమిన్​–సి
విటమిన్​– సి కణాల్ని రిపేర్​ చేస్తుంది. న్యూరో ట్రాన్స్​మిటర్ల ఎంజైమెటిక్​ ఉత్పత్తికి సాయ పడుతుంది. ఎంజైమ్స్​ ఫంక్షనింగ్​ని రెగ్యులేట్​ చేస్తుంది. అన్నింటికన్నా ముఖ్యంగా ఇమ్యూనిటీ సిస్టమ్​ని రీచార్జ్​ చేస్తుంది. దానివల్ల జలుబు, దగ్గు నుంచి తక్కువ టైంలోనే రిలాక్సేషన్​ వస్తుంది. అందుకే సంత్రా, నిమ్మ, స్ట్రాబెర్రీ, కివి, జామ, బొప్పాయి, క్యాప్సికం​, బ్రకోలి, ఉసిరి లాంటి సిట్రస్​ ఫ్రూట్స్ ఎక్కువగా తినాలి. రోజుకి 40 మిల్లీగ్రాముల సిట్రస్​ను శరీరానికి ఇవ్వాలి. ​

విటమిన్​–ఎ &  డి
విటమిన్​–ఎకి  స్కిన్​ ఫ్రెండ్లీ విటమిన్​గా పేరుంది. ఇది స్కిన్​ ఇన్ఫెక్షన్​లని దరిచేరనివ్వదు. నోరు, పొట్ట, పేగులు, శ్వాస కోశ వ్యవస్థని  ఆరోగ్యంగా ఉంచుతుంది ఈ విటమిన్​. అందుకే విటమిన్​– ఎ ఎక్కువగా ఉండే  మొరం(గెనుసు) గడ్డ, ఆకుకూరలు, బ్రకోలి, క్యారెట్స్, ఆప్రికాట్స్​ని రెగ్యులర్​ డైట్​లో భాగం చేయాలి. అలాగే విటమిన్​–డి ​ ఇమ్యూనిటీ బూస్టర్​లా పనిచేస్తుంది. శరీరంలో యాంటీ బాడీస్​ ఉత్పత్తిని పెంచి, ఇన్​ఫ్లమేటరీ సైటోకైన్లు రిలీజ్​ అవ్వకుండా చూస్తుంది. సాల్మన్​ చేపలు, కోడి గుడ్డు సొన, చీజ్, పెరుగు, ఆరెంజ్​ జ్యూస్,  టోఫూ​లో ఇది ఎక్కువగా ఉంటుంది.  రోజులో 15 నుంచి 20 నిమిషాలు ఎండలో ఉన్నా విటమిన్​–డి సరిపడా అందుతుంది. 

ఐరన్​ 
బాడీ ఫంక్షనింగ్​కి కావాల్సిన ఎసెన్షియల్​ మినరల్స్​లో ఐరన్​ ఒకటి. ఇది ఇమ్యూనిటీ సెల్స్​ పనితీరుని మెరుగుపరుస్తుంది. చర్మంతో పాటు  జుట్టు, గోళ్ల ఆరోగ్యాన్ని కూడా కాపాడుతుంది. అందుకే ఐరన్​ రిచ్​ ఫుడ్​ అంటే మాంసంతో పాటు కర్జూరం, ముల్లంగి ఆకులు, పాలకూర, బెల్లం, తృణధాన్యాల్ని ఎక్కువగా తీసుకోవాలి. 

విటమిన్​–ఇ
విటమిన్​–ఇ యాంటీ ఆక్సిడెంట్​గా పనిచేసి  ఫ్రీరాడికల్స్​ నుంచి కణాల్ని కాపాడుతుంది. ఇమ్యూనిటీ సిస్టమ్​ని స్ట్రాంగ్​ చేస్తుంది. గుండె జబ్బులతో పాటు క్యాన్సర్, వయసు సంబంధిత జబ్బుల నుంచి ప్రొటెక్ట్​ చేస్తుంది. అందుకే విటమిన్–ఇ ఎక్కువగా ఉండే  డ్రై ఫ్రూట్స్, అవకాడో,  వెజిటబుల్​ ఆయిల్స్, పీనట్​ బటర్​​ని ఎక్కువగా తీసుకోవాలి. జింక్​ కూడా ఇమ్యూనిటీ బూస్టింగ్​కి సాయ పడుతుంది. జలుబు, దగ్గు తీవ్రతని తగ్గిస్తుంది. పాలు,  మష్రూమ్స్, డార్క్​ చాక్లెట్స్​లో ఇది ఎక్కువ. వీటన్నింటితో పాటు  యాంటీ ఇన్​ఫ్లమేటరీ, యాంటీ బ్యాక్టీరియల్​ ప్రాపర్టీలు ఉన్న పసుపుని  ఎక్కువగా వాడాలి. రోజుకి ఒక టీ స్పూన్​ పసుపుని ఏదో ఒక రూపంలో  తీసుకుంటే ఎలాంటి జబ్బులు దరిచేరవు.