తెలంగాణలో సంచలనం సృష్టించిన ఫోన్ ట్యాపింగ్ కేసుపై ఈడీకి ఫిర్యాదు చేశారు హైకోర్టు న్యాయవాది సురేష్. ఫోన్ టాపింగ్ కేసులోని నిందితులు వ్యాపారులను బెదిరించి కోట్ల రూపాయలు వసూలు చేశారని ఫిర్యాదులో తెలిపారు. ఓ పొలిటికల్ పార్టీకి పోలీసు వాహనాలు డబ్బులు తరలించారని నిందితులే ఒప్పుకున్నారని చెప్పారు.
ఫోన్ ట్యాపింగ్ పై ఈడీ PMLA యాక్ట్ కింద కేసు నమోదు చేసి దర్యాప్తు చేయాలని పిర్యాదు లోకోరారు అడ్వకేట్ సురేష్. ఋ కేసులో ఇప్పటివరకు అసలు నిందితులను విచారించలేదన్నారు. ఈడీ కేసు నమోదు చేసి దర్యాప్తు చేస్తే ఫోన్ ట్యాపింగ్ వెనకాల ఉన్న రాజకీయ నాయకులు బయటికి వస్తారని తెలిపారు.
మరో వైపు ఈ కేసులో కీలక నిందితుడైన టాస్క్ ఫోర్స్ మాజీ డీసీపీ రాధాకిషన్ రావు రిమాండ్ ను ఏప్రిల్ 12 వరకు పొడిగించింది కోర్టు . కిషన్ రావును చంచల్ గూడ జైలుకు తరలించారు పోలీసులు. రాధాకిషన్ రావు వాంగ్మూలం ఆధారంగా మరికొందరికి నోటీసులు ఇచ్చే అవకాశం ఉంది.
