బొమ్మ గీయడం ఒక కళ.. అందరికీ రాదు. మరి కొందరైతే రివర్స్లో, రెండు చేతులతో, కళ్లకు గంతలు కట్టుకుని బొమ్మ గీసేవాళ్లని కూడా చూసుంటారు. కానీ, ఈయనలా బొమ్మ గీసేవాళ్లని ఇప్పటి వరకు చూసుండరు. ఎందుకంటే.. చూడ్డానికి కళ్లజోడు పెట్టుకుని, కుర్చీలో దర్జాగా కూర్చుని పెద్ద మాస్టారులా కనిపిస్తారు. ఆయన చేతికి రెండు చాక్పీస్ ముక్కలు ఇస్తే కుర్చీలో కదలకుండా కూర్చునే బొమ్మ గీస్తాడు. అది కూడా బోర్డును చూడకుండా వెనక్కి తిరిగి గీస్తాడు. మరొక ఇంట్రెస్టింగ్ విషయమేంటంటే.. రెండు చేతుల్లో చాక్ పీస్ పట్టుకుని రెండు వేర్వేరు బొమ్మలు అందంగా గీయడం. దాదాపు ఒక నిమిషం పాటు ఉన్న ఈ వీడియో సోషల్ మీడియాలో బొమ్మను గీస్తే.. అని పాడుతూ వైరల్ అయింది.
