హైదరాబాద్, వెలుగు: బీ2బీ కార్పొరేట్ క్యాటరింగ్, బీ2సీ మీల్ సర్వీసులను అందించడానికి హైదరాబాద్ కేంద్రంగా హంగర్ క్రాఫ్ట్స్ స్టార్టప్ మొదలయింది. ఇది తన సబ్–బ్రాండ్ తిండిఫై ద్వారా కొత్త ఆహార పారిశ్రామికవేత్తలకు అవకాశాలు కల్పించనుంది. ఈ సంస్థ కార్పొరేట్ పార్కులు, రెసిడెన్షియల్ కమ్యూనిటీలు ఈవెంట్లను లక్ష్యంగా చేసుకుని, పెద్ద ఎత్తున క్యాటరింగ్ సేవలను అందిస్తుంది.
కొత్త ఫుడ్ ఎంట్రప్రెన్యూర్స్‌‌‌‌కి సాయపడుతుందని హంగర్ క్రాఫ్ట్స్ ఫౌండర్ వినీత్ అన్నారు. ఈ ఫ్రాంచైజ్ మీల్ కాంబో మోడల్స్‌‌‌‌ను అందిస్తుంది. మొదట్లో రాయల్టీ, ఫీజులు వసూలు చేయదు. కొత్త ఔట్‌‌‌‌లెట్లకు అద్దెలో 50 శాతం మొత్తం సాయం చేస్తుంది. 2027 నాటికి 100 మందికి పైగా ఉద్యోగులను నియమించుకుంటామని, వచ్చే 24 నెలల్లో భారీగా విస్తరిస్తామని వినీత్ వివరించారు.
