హైదరాబాద్: ప్రపంచంలో అత్యంత వేగంగా అభివృద్ధి చెందుతున్న టాప్ 10 నగరాల్లో హైదరాబాద్‌కు చోటు దక్కింది. 2019– 2035 మధ్యకాలంలో హైదరాబాద్ జీడీపీ వృద్ధి రేటు భారీగా ఉంటుందని నైట్ఫ్రాంక్, కాన్ఫెడరేషన్ ఆఫ్ ఇండియన్ ఇండస్ట్రీ (సీఐఐ) రిపోర్ట్ వెల్లడించింది. ఇది ఏటా 8.47 శాతం వృద్ధి చెందే అవకాశం ఉంది.
2018లో హైదరాబాద్ జీడీపీ స్థిరమైన ధరలలో 50.6 బిలియన్ల డాలర్ల వద్ద ఆకట్టుకుంది. ఇది 2035 నాటికి 201.4 బిలియన్ల డాలర్లకు ఎగబాకుతుందని అంచనా. రిపోర్టులో హైదరాబాద్ నాల్గవ స్థానంలో ఉండగా, సూరత్, ఆగ్రా, బెంగళూరు మొదటి మూడుస్థానాల్లో ఉన్నాయి. 'ఇండియా రియల్ ఎస్టేట్: ఎ డికేడ్ ఫ్రమ్ నౌ 2024' పేరుతో రూపొందించిన నివేదిక, వచ్చే దశాబ్దంలో ఆర్థిక, రియల్ ఎస్టేట్ రంగ ఎదుగులను విశ్లేషిస్తుందని నైట్ ఫ్రాంక్తెలిపింది. రియల్ఎస్టేట్దేశీయ, అంతర్జాతీయ కంపెనీల నుంచి వివిధ రకాల పెట్టుబడులను ఆకర్షిస్తాయి.
ఇది వరకే బెంగళూరు, పుణే, హైదరాబాద్ కలిసి 20 బిలియన్ డాలర్ల పెట్టుబడులను ఆకర్షించాయి. ఈ నగరాల్లో ఐటీ వల్ల స్థలాలకు విపరీతంగగా గిరాకీ ఉంటుంది. 2004 నుంచి 24.9 బిలియన్ డాలర్ల పెట్టుబడులతో ముంబై మొదటిస్థానంలో ఉంది. జాతీయ రాజధాని ప్రాంతం 11.7 బిలియన్ల డాలర్ల పెట్టుబడులను సంపాదించింది.
