సిటీ అడిషనల్ మేజిస్ట్రేట్ హోదాలో కేసులను విచారించారు నగర పోలీస్ కమిషనర్ సీపీ సీవీ ఆనంద్. రౌడీషీటర్లు నేరాలకు పాల్పడవద్దని.. ప్రవర్తన మార్చుకోవాలని లేకుండా తోడ్కెలు తీస్తామంటూ హెచ్చరించారు. నేర ప్రవృత్తిని కొనసాగిస్తే రౌడీషీటర్లను నగర బహిష్కరణ చేస్తామని వార్నింగ్ ఇచ్చారు. రౌడీషీటర్లపై నిరంతరం నిఘా కొనసాగించాలని పోలీసులను ఆదేశించారు సీపీ ఆనంద్. పేరు మోసిన పాతబస్తీ రౌడీషీటర్ ను నగరం నుంచి బహిష్కరించారు.
హైదరాబాద్ నగరంలో శాంతిభద్రతలకు భంగం కలిగిస్తున్న రౌడీషీటర్ ను బహిష్కరించారు పోలీసులు. పాతబస్తీకి చెందిన కాలాపత్తర్ నివాసి, పేరు మోసిన రౌడీ షీటర్ మహ్మద్ అసద్ పై హైదరాబాద్ నగర సీపీ సీవీ ఆనంద్ బహిష్కరణ ఉత్తర్వులు జారీ చేశారు. అహ్మద్ నేర చరిత్రను సమీక్షించిన తర్వాత సీపీ ఈ ఉత్తర్వు జారీ చేశారు. కాలాపత్తర్ ,పరిసర ప్రాంతాలలో బెదిరింపులకు పాల్పడుతూ ప్రజలను భయాందోళనకు గురి చేస్తున్నట్లు పోలీసులు గుర్తించారు. అసద్ పై కాలాపత్తర్ పోలీస్ స్టేషన్‌లో 11 కేసులు ఉన్నట్లు పోలీసులు తెలిపారు.
అహ్మద్ పై నేరాలు దాడి, హత్యాయత్నం, అల్లర్లు, దోపిడీ, అక్రమంగా ఆయుధాలు కలిగి ఉండటం నుంచి స్థానికులను బెదిరించడం వరకు ఉన్నాయి. నేరాలతో పాటు సమాజంలో అతను కలిగించిన భయాందోళనలలో కూడా ఉందని, నివాసితులు ఫిర్యాదులు చేయడానికి లేదా సాక్ష్యం చెప్పడానికి చాలా భయపడుతున్నారని పోలీసులు చెబుతున్నారు.
అసద్ తన ప్రాంతంలో శాంతిభద్రతలకు పదేపదే విఘాతం కలిగిస్తూ శాంతిభద్రతలకు ముప్పు కలిగిస్తున్నాడు. ప్రజల్లో విశ్వాసాన్ని నింపేందుకు ఈ బహిష్కరణ అవసరం అని సిటీ కమిషనర్ కార్యాలయం తన ఉత్తర్వులలో తెలిపింది. ఈ ఉత్తర్వు అహ్మద్ ను హైదరాబాద్ కమిషనరేట్ పరిధిలోకి ఒక సంవత్సరం పాటు ప్రవేశించకుండా నిరోధిస్తుంది.
