జూబ్లీహిల్స్, వెలుగు: ఎన్డీఏ హయాంలోనే హైదరాబాద్ నగర అభివృద్ధికి అడుగులు పడ్డాయని బీజేపీ రాష్ట్ర అధ్యక్షుడు రాంచందర్ రావు అన్నారు. మంగళవారం ఎర్రగడ్డ డివిజన్లోని కల్పతరు రెసిడెన్షియల్ అపార్ట్మెంట్ క్లబ్ హౌస్ లో ఆయన కాలనీవాసులతో సమావేశమయ్యారు. ఈ సందర్భంగా మాట్లాడుతూ.. రెండు కాలనీల మధ్య నివాసాలకు ఆనుకొని శ్మశానవాటికకు ప్రభుత్వం అనుమతించడం విడ్డూరంగా ఉందన్నారు.
జూబ్లీహిల్స్ నియోజకవర్గంలో మౌలిక వసతులు లేక ఇబ్బందులు పడుతున్నారన్నారు. ప్రధానిగా వాజ్పేయి ఉన్నప్పుడే హైదరాబాద్ అభివృద్ధికి పునాదులు పడ్డాయన్నారు. ఎన్డీఏ హయాంలో అప్పటి సీఎం చంద్రబాబు సహకారంతో గచ్చిబౌలి స్టేడియం, సైబర్ సిటీ వంటి ప్రాజెక్టులు వచ్చినట్లు తెలిపారు. జూబ్లీహిల్స్ బైపోల్లో బీజేపీ అభ్యర్థి దీపక్ రెడ్డికి అవకాశం ఇవ్వాలని కోరారు.
