- కలెక్టర్ మారగానే మార్చేశారు
- ఒకే నంబర్ తో రెండు ప్రొసీడింగ్స్
హైదరాబాద్ సిటీ, వెలుగు: వారం క్రితం వరకు హైదరాబాద్కలెక్టర్గా ఉన్న హరిచందన వేసిన హైదరాబాద్ జిల్లా మీడియా అక్రిడిటేషన్ కమిటీని మార్చేశారు. గత నెల మూడో వారంలో 2026–28 అక్రిడిటేషన్కమిటీని ఏర్పాటు చేయగా, ఐఅండ్ పీఆర్ స్పెషల్ కమిషనర్ ప్రొసీడింగ్(నంబర్ 010432) కూడా విడుదల చేశారు. ఎన్నికైనట్లు సభ్యుల నుంచి సంతకాలు సేకరించి ప్రొసీడింగ్స్అందజేశారు. అయితే, ఏప్రిల్ 25న హరిచందన బదిలీ కాగా, కొత్త కలెక్టర్ గా ప్రియాంకఆల 26న బాధ్యతలు చేపట్టారు. అనూహ్యంగా నాలుగు రోజులకే కమిటీని రద్దు చేశారు.
అయితే ఈ కమిటీకి కూడా పాత నంబర్010432తోనే ప్రొసీడింగ్స్విడుదల చేశారు. హరిచందన సీనియారిటీ ప్రకారం సభ్యులకు అవకాశం కల్పించారు. కమిటీ ఎన్నికైన తర్వాత ఒత్తిడి వచ్చినా ఒప్పుకోలేదు. అంతలోనే ఆమె బదిలీ కావడం.. కొత్త కలెక్టర్రావడం.. కమిటీ మార్చడం చకచకా జరిగిపోయాయి. తమకు నచ్చిన వాళ్లను కమిటీలో కూర్చోబెట్టుకోవడానికి డీపీఆర్వో, ఏపీఆర్వో కలెక్టర్ను తప్పుదోవ పట్టించారన్న ఆరోపణలు వినిపిస్తున్నాయి.
