న్యూఢిల్లీ: సయ్యద్ ముస్తాక్ అలీ టీ20 టోర్నమెంట్‌‌‌‌లో హైదరాబాద్‌‌‌‌కు తొలి ఓటమి ఎదురైంది. అర్షిన్ కులకర్ణి (89 నాటౌట్), టీమిండియాకు దూరమైన ఓపెనర్ పృథ్వీ షా (66) ఫిఫ్టీలతో సత్తా చాటడంతో శుక్రవారం జరిగిన గ్రూప్‌–బి మ్యాచ్‌‌‌‌లో మహారాష్ట్ర 8 వికెట్ల తేడాతో హైదరాబాద్‌‌‌‌ను ఓడించింది. తొలుత హైదరాబాద్ నిర్ణీత 20 ఓవర్లలో 191/8 స్కోరు చేసింది. సీవీ మిలింద్ (35 నాటౌట్), తనయ్ (32), రాహుల్ బుద్ధి (31) రాణించారు. అనంతరం పృథ్వీ, అర్షిన్ మెరుపులతో మహారాష్ట్ర 18.4 ఓవర్లలోనే 192/2 స్కోరు చేసి ఈజీగా గెలిచింది అర్షిన్‌కు ప్లేయర్ ఆఫ్ ద మ్యాచ్ అవార్డు దక్కింది.
ఆయుష్ మెరుపు సెంచరీ
యంగ్‌‌‌‌స్టర్ ఆయుష్ మాత్రే (53 బాల్స్‌‌‌‌లో 8 ఫోర్లు, 8 సిక్సర్లతో 110 నాటౌట్) కెరీర్‌‌‌‌‌‌‌‌లో తొలి టీ20 సెంచరీతో మెప్పించడంతో లక్నో వేదికగా జరిగిన గ్రూప్‌–ఎ మ్యాచ్‌‌‌‌లో ముంబై 7 వికెట్ల తేడాతో విదర్భను ఓడించింది. తొలుత విదర్భ జట్టు 20 ఓవర్లలో 192/9 స్కోరు చేయగా.. ముంబై 17.5 ఓవర్లలోనే టార్గెట్ ఛేజ్ చేసింది.
